काठमाडौं, २ चैत-आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजमा नेपाल विजयी भएको छ । कीर्तिपुरस्थित टियु क्रिकेट मैदानमा बिहीबार भएको खेलमा नेपालले युएईलाई डीएल पद्दतिको आधारमा ९ रनले हराएको हो ।
यस जितसँगै नेपाल जिम्बावेमा आयोजना हुने विश्वकप विश्वकप छनोटमा पुगेको हो । टस जितेर कीर्तिपुर मैदानमा पहिले ब्याटिङ गरेको यूएईले ५० ओभरमा ६ विकेट गुमाएर ३१० रन बनाएको थियो ।
जवाफमा मैदान उत्रिएको नेपालले ४४ ओभरमा ६ विकेटको क्षतिमा २६९ रन बनाउँदा खेल रोकियो र डिएल मेडथका आधारमा नेपाल ९ रनले विजयी हुन पुगेको हो । यसै बीच रास्ट्रिय स्वतन्त्र पाटीका सभापति रबि लामिछानेले पनि बधाई दिएका छन् ।
उनले लेखेका छन्- नेपालको अभुतपुर्व विजय। मैदान मै पुगेर ऐतिहासिक खेल हेर्ने अवसर मिलेकोमा डबल खुशी। CONGRATULATIONS TEAM नेपाल ।
