शब्द ::: राहुल
विधा ::: कविता
प्रेमिकाको लिलामी
आउनुस हजुर आउनुस
बजारमा नयाँ अफर आएको छ
अफर सिमित
समयको लागि लाएको छ
आफ्नो लागि आफै
कमाउन सक्ने
दुइचार जनाको हात
एकैपटकमा समाउन सक्ने
हजुरलाइ सजिलरी बुझ्न सक्ने
पैसाको मन्दिरमा पैसालाइ नै पुझ्न सक्ने
जम्मा रकम साठी हजार मात्रै
एकपटक पैसा दिएर जानुस
आउँदो लगनमै आएर लिएर जानुस
उमेर मात्रै चौबिस बर्षकी
खानी नै हो हाँसो र हर्षकी
रुप हेर्दा हिन्दी फिल्मकी हिरोनी जस्ती
व्यबहार हेर्दा
गाँजा र हिरोइन भन्दा कम नभएकी
तर महोदय कुनैपनि प्रकारको
वारेन्टी र ग्यारेन्टी छैन है
एकपटक प्रयोग गरिसकेपछी
बिग्रीएमा जवाफदेही म हैन है
सम्हालेर राख्न सके जिन्दगी कटाइदिन्छ
सम्हाल्न नसके आफ्नै मनबाट हटाइदिन्छ
मङ्सिरको महिना
आइपुगेको लगन गुमाउनु हुन्न है
ल ल आउनुस हजुर आउनुस
बजारमा नयाँ अफर आएको छ
प्रेमलाइ पैसामा बेच्नेहरुको मेला लाएको छ
प्रेमलाइ पैसामा तुलेर
सारा दुख कष्ट भुलेर
प्रेमको बजारमा लागेको यो मेलामा
अबसर नगुमाउनुस सुनौलो बेलामा
यसैगरी प्रेमलाइ बजारमा बेच्न सकेमा
तपाईं र म पनि त धनी हुन के बेर लाग्छ र
आउनुस हजुर लगाउनुस बोली
यो अफर नरहन सक्छ भोलि
हजुरको जीवन बदलिदिने
एउटा सुन्दर मौका हुन सक्छ
हार्न लागेको खेलमा
छक्का चौका हुन सक्छ
आउनुस हजुर आउनुस
जिन्दगी बदल्ने दाउ लाउनुस
जम्मा रकम साठी हजार मात्र ।।।।
राहुल
धुर्कोट गुल्मी