बिगत एक दशक देखि संगीत क्षेत्रमा संघर्ष गरिरहेका गायक बाबुराम कुँवरको अर्को मन छुने सांगीतिक कोसेली बजारमा आएको छ । बिगतका गीतहरु आमा,न्याउलि चरी,जवानिको रङ्ग ,खाली सिउदो भर्नी,बरिलै ,ओए बुढी ओए जस्ता थुप्रै गीतहरु बाबुराम कुँवरका चर्चित गीतहरु हुन् ।
भर्खरै बजारमा आएको लोकदोहोरी गीत अर्ध पागलमा गायक बाबुराम कुँवरलाई नव गायिका लालुमाया कुँवरले स्वरमा साथ् दिएकी छन् । मोहन के सी शब्द संगीत रहेको गीत अर्ध पागल एक मायामा बिछोड हुनु पर्दाको पिडाको भाव दर्शाईएको गीत हो ।रामचन्द्र चन्दको एरेन्ज रहेको गीत अर्ध पागलले दर्शक स्रोताको मन जित्ने आस रहेको गायक कुँवरले बाताएका छन् ।
राज राईको निर्देशन तथा छायांकन र रोशन धितालको सम्पादन रहेको गीतमा विश्व बगाले , बिष्णु थापा , भोजु रुचालाको अभिनय रहेको छ । आज्ञा क्रियशनले तयार पारेको भिडियो रामचन्द्र चन्दको युट्युब च्यानलबाट सार्बजनिक गरिएको छ । गीत अर्ध पागलले दर्शक स्रोताको मन जित्न सफल होस् बुटवल दैनिकको तर्फबाट शुभकामना ।।
हेरौ गीत अर्ध पागलको यो म्युजिक भिडियो ..