साहित्यकार पुनर्जिबित प्रसुना द्वारा कोरिएका केहि सिर्जनाहरु ..
हराएछ जिन्दगीयो कता हराएछ
दु:ख सुख गरियो कता हराएछ
देश खोज्न भनी निसासिएको सपूत
न भेटियो न फर्कियो कता हराएछ
बैरीले नाकाहरु कब्जा गरेका छन
नबुझ्ने गोर्खालीयो कता हराएछ
कसै संग साटेकी थिइन मुटु मैले
जब समय बदलिँयो कता हराएछ
गह भरी आँसु झार्दै बुढा बा भन्दा हुन
मेरो पनि छोरो थियो कता हराएछ
*************************
म डराए आज तरबार देखेर
दविएका नारीको घरबार देखेर
अचेल किन यो देश निदाइरहेछ
चिन्तीत छन जनता सरकार देखेर
नत्र भने बिश्वास गर्थे तिमिलाइ
पुग्यो मलाई तिम्रो व्यबहार देखेर
अपराध गरि अपराधी फरार भएछ
बिचरा डराए होला उ कारागार देखेर
यसै पनि म बाट दुर भएकै ठिक छ
साच्चै म डराउछु हजुर को प्यार देखेर
**************************
खै कस्को दुख र पिर हराएको छ
यो शहरमा मेरो भने तग्दिर हराएको छ
श्रीमती बिदुवा बनाई सहिद बनेकाहरुको
एक एक गरि किन तस्बिर हराएको छ
भोलि देश हराउन सक्छ झन्डा हराउन
आज चोकबाट शालिकको शरीर हराएको छ
जहिल्यै आमा अध्यारो मुख गराएर भन्छिन
कहिले आउँछ भन न छोरी मंसिर हराएको छ
बिचरा प्रदेशीए को बाउ बेपत्ता भएपछी
खोज्न गाको छोरा कसंमिर हराएको छ
पुनर्जिबित प्रसुना
