म चिना हराएको मान्छे होईन , म जनै हराएको मान्छे हुँ

नमस्कार
म चिना हराएको मान्छे होईन , म जनै हराएको मान्छे । जनै त लगाएको थिए पत्तो छ उति बेला धुमधाम पुजा गरेर ९/१० जना पण्डित लगाएर भागवत पढेर होमखाडिमा होम हालेर भिक्षा माग्ने भिक्षु बनेर जिम्मेवारी काधमा नपर्दै देब्रे काधमा जनै बोकेको मान्छे म । ठुलाबढाले भन्ने गर्थे “जनै लगाएसी सधै नुहाउनु पर्छ ” , खोइ त्यो कस्लाई भनेको हो थाहा भएन पक्कै पनि त्यही मलाई जनै लगाईदिने पण्डित बाजेलाई भनेको होला ?? संस्कृत भाषामा मन्त्र सिकेको भन्दा पनि पण्डित बा ले भन्दा खेरी सुने ध्यान दिएर त्यो मन्त्र यति ध्यान गाडेर सुनेछु नि अहिले सम्म चाहिएको बेला पनि निस्कन सकेको छैन खै कुन्नी उतै सुकेछ कि कुन्नी । तर पनि जनै चाहिँ लगाएको छु भन्दा छुट्टै जोस आउने ।

फेसबुकमा पछ्याउनुहोस्

सुनेको थिए जनैले सुरक्षा दिन्छ भनेर खोई कत्रा कत्रा रुख बाट खसे कति पटक गोरुले कम्मर फुस्किने गरि सेक्यो कति पटक बुवाको झर्हो झापड भेट्यो यो गाला ले कति पटक ठेस लागेर खुट्टाको बुढि औलाको नङ गयो औरेजी होकि त्यो के जाती बिषय पढ्न जादा कति पटक मास्टर साहेब को बाघेझापु भेटियो बर्णन नगरम त्यस्तो अवस्था हुदा पनि खै त कहिले सुरक्षा पाईन मैले ?

कहिले काहीँ जनै सम्झिदा रिस उठेर आउँछ यसो राम्रो होटल देख्यो छिर्न डर लाग्ने । अझै मन लागेको खाने कुरा खान नपाईने यसो ज्यान मा हेर्यो झसङ्ग झस्केर राम राम जप्यो अनि चिया बिस्कुट दबायो । सायद कुखुरा बाख्रा शीत पुरानो रिसिबी होला जनै ज्यान मा झुन्ड्याए पछि तिनी हरु आफै भाग्ने रैछन कि कसो हो खै ? हात बाध्ने डोरि झै यो पनि यसो होटल छिर्दा मन बाध्ने डोरि रैछ कि फेरि अल्लि उमेर ले पाका बराजुहरुले पाईखाना जादा कानमाथी सिउरेको देख्छु । यसो बुझ्दा कुरो कता बाट गयो लौ कसरी बुझम खोइ ।।

यसो घोत्लिएर सोच्यो जनै लगाउने लाई कुन्नि किन हेप्छन कुन्नी जनै लगाउने लाई बोलाउने छुट्टाछुट्टै नाम छन पण्डित , टपरे बाहुन , काठो बाहुन रे लौ । अरु त सबै बुझेको छु यो काठो भन्ने के रैछ मैले त काठे भन्ने शुद्द गाउमै भएको भन्ने बुझेको छु – काठे बाख्रो , काठे चामल – काठे कागती । खै यो काठो बाहुन भनेको के रैछ कुन्न्नि जाने बुझेको संग सोध्न पर्ला । के रैछ एउटा जनै ले यति धेरै उपनाम हुने किन होला खै यी नाम कहिले नभुले है ।।

यसको आफ्नै बिषेसता होला खै थाहा भएन तर बुझे अनुसार शास्त्र तिर जनैको बारेमा कुनै पेजमा लेख्या होला किन लगाउने हो ? के कारण ले लगाउने हो ?? कस्ले लगाउने हो यत्ती जान्न मन लागेको छ। यदि यो लगाएर चोखो हुने भए बरु अरु दाइ हरुलाई दिम न उनिहरु ले दिन दिनै नुहाएर चोखोनिधो गरे पछि त तलमाथी उचोनिचो छोईछुतो बन्द हुन्थ्यो कि ।।। लगाउने ले त्यही अहिले मोबाईल मा लाग्ने ईयरफोन को जत्तिको पनि ईज्जत गरेनन खै ।