कोरोना र लकडाउनले सबैलाइ फुर्सदिलो बनाएको छ ।
कलाकारहरू पनि घरमै रूचि अनुसारको काम गरेर समय बिताएका छन् ।
यस्तै चर्चित हाँस्यकालाकार सागर लम्साल ‘बले’ फुर्सदिला नहुने कुरै भएन।
आमा र बहिनीको साथ उनी कालोपुलमा बस्दै आएका उनि लकडाउनपछि त झन् घरभित्रै थुनिएर बस्नुको विकल्प रहेन ।
सागर बिहान केही ढिला उठेर आधा घण्टाको मेडिटेसन र पेटको लागि व्यायाम गर्छन् ।
अनि नुहाउँदा खाना खाने समय भइसक्छ । खाना खाएर आफ्नो कोठा छिरेपछि सागरले गर्ने क्रियाकलापहरु धेरै छन् ।
कहिले चलचित्र हेर्छन् । कहिले पुस्तक पढ्छन् त कहिले युट्युबमा भुलिन्छन् ।
उनी दक्षिण भारतिय चलचित्र खुबै हेर्ने गर्छन् ।
यूट्यूवमा उपलब्ध उनले नहेरेका साउथ इन्डियन चलचित्र कमै बाँकी होलान् ।
पुस्तकमा चाहिँ ‘महको म’ पढिरहेका छन् ।
यी सबै कुराबाट पनि झ्याउ लाग्यो भने सागरलाई फ्रेस गराउने अर्को विकल्प छ, लुडो ।
सागर अनलाइन लुडो खेल्न माहिर छन् । झ्याउ लाग्यो कि आफ्नो टिम ‘इन्भाइट’ गर्छन् र लुडो सुरु गर्छन् ।
सागरसँग लुडो खेल्ने टीम टिकटकबाट भाइरल भएका ट्विनी गर्ल प्रिज्मा–प्रिन्सी र मन्जिल बस्नेत हुन् ।
सागर भन्छन्, ‘लुडो खेल्ने मेरो टीम नै उनीहरु हुन् ।’ त्यसो त उनि प्रिज्मासँग लुँडो मात्रै होइन, मायाको खेल पनि खेलिरकेको ब्यापक चर्चा केहि समयदेखि चलिरहेकै छ ।
जे होस उनि नजिकको मान्छेसँग लुडो खेलेर दिन बिताइरहेकै छन् ।
