को हुन संगीतकार अर्जुन पोखरेल

अर्जुन पोखरेल नेपाली संगीतको जिवित अजर नाम हो । चितवनमा जन्मिएका अर्जुन एउटै गीतबाट १५ वटा अवार्ड जित्ने संगीकार हुन् । सानै देखि गाउने उनी बाल्यकालमा उनी बुवा र आमासँगै भजन र बालन गाउँथे ।
सानोमा उनी दोहोरी भनेपछि हुरुक्कै हुने उनले विसं. २०६१ सालमा रेकर्ड गरेको पहिलो गीत पनि लोक गीत नै थियो । उनले पहिलो गीतबाटै कालिका अवार्ड प्राप्त गरेका थिए ।

ललितकला र इलाहाबादबाट संगीतको औपचारिक शिक्षा लिएका उनले पछि आँफैले पनि थुप्रै इन्ट्च्यिुटमा संगीत अध्यापन गराए ।

एल्बमका गीतको प्रोमोशन गर्न गाह्रो हुने बुझेका उनी चलचित्रका गीतमा संगीत गर्न सकियो भने राम्रो हुन्छ भन्ने थियो । त्यसैले उनले त्यो बेला थुप्रै चलचित्रका निर्देशक तथा निर्मातालाई आफूले तयार पारेको संगीत सुनिदन आग्रह गरे । कतिले सुने तर लिएनन् ।

उनले राजु गिरीको चलचित्र दिलमायाँमा पहिलोपटक चलचित्रका लागि गीत गाए । त्यही चलचित्रको गीतबाट उनी क्लिक भए । राजु गिरीकै बिन्दास चलचित्रमा उनले बाटो मोडेर गयौ… बोलको गीत तयार पारे । यो गीतले अर्जुनलाई सुपरहिट बनायो ।

त्यसयता उनले फर्किएर हेर्नु परेन । चलचित्रमा उनलाई संगीत गराउन निर्देशक निर्माता क्यूमा बस्छन् । म त अलपत्रै पर्छु तिमी भएको न बेला,रहर छ सँगै जस्ता दर्जनौ गीत सुपरहीट छन ।

एउटा समय थियो । मान्छेहरु भन्थे, चलचित्रका गीत बर्खाको भेल हुन् । अर्थात कालजयी हुँदैनन् । त्यस्तै पनि थियो । तर, अर्जुन पोखरेलले चलचित्रका गीत गाउन थाले । त्यस यता आधुनिक गीत भन्दा चलचित्रका गीत कालजयी हुने मेलोडीमा तयार हुन थालेका छन् । उनले हाल सम्म दर्जनौ मुजिक अवार्ड तथा सिने अवार्ड हात पारीकेका छन ।