काठमाडौं, भदौ २२ – रसुवाको भोटेकोशी नदीमा आएको विनाशकारी बाढीमा परी ज्यान गुमाएकाहरूको सम्मानमा आज देशभर राष्ट्रिय शोक मनाइँदै छ। सरकारको निर्णयअनुसार नेपालभरका सरकारी कार्यालयसँगै विदेशस्थित नेपाली दूतावास तथा नियोगमा राष्ट्रिय झण्डा आधा झुकाइनेछ।
प्रहरीका अनुसार बाढीमा परी हालसम्म १ हजार ३ सय ४२ जनाको शव फेला परेको छ भने ३ हजार ९ सय ९२ जना अझै सम्पर्कविहीन छन्। फेला परेका शवमध्ये ४ सय ९५ जनाको पहिचान हुन बाँकी छ। बेपत्ताको खोजी, उद्धार र शव व्यवस्थापन जारी छ भने मृतकको पहिचानका लागि डीएनए परीक्षणलाई प्राथमिकता दिइएको छ।
हालसम्म मृतक र उनीहरूका आफन्त गरी २ हजार ३ सय ७६ जनाको डीएनए नमुना सङ्कलन गरिएको प्रहरीले जनाएको छ।
