बुटवल ।
वर्तमान समयमा स्क्रेचिङ पनि करियरको पाटो बन्दै गइरहेको छ। कला र प्रतिभा सबैमा हुन्छ । जो कोही सँग पनि केही न केहि प्रतिभा हुन्छ नै ! ती प्रतिभा र कलाको सम्मान गर्न सिक्नु आवश्यक छ । यस्तै कला र प्रतिभा भएकि एक होनहार व्यक्ति हुन् बन्दना तुलाधर ।
बुटवलमै घर भएकी उनी सँग स्क्रेचिङ गर्ने क्षमता छ । विभिन्न आर्टिस्टको दुनियामा पेन्सल स्क्रेच गर्दै विभिन्न कला प्रस्तुत गर्ने क्षमता भएको उनले बताउँछिन् । पेन्सिल स्केच गरेर विभिन्न व्यक्तिको दुरुस्त तस्बिर उतार्ने, विभिन्न भगवानको तस्बिर उतार्ने देखि लिएर विभिन्न संस्कृति झल्कने खालका कला प्रस्तुत गर्ने प्रतिभा उनीसँग छ । वाणिज्य क्याम्पसमा अध्ययनरत विद्यार्थी बन्दना सानैदेखि स्क्रेच गर्दै आएकी र आजभोलि प्रोफेसनल तरिकाले अगाडि बढ्दै आएकी छिन् ।
स्कुल कलेजमा पढ्दै गर्दा सानातिना स्क्रेच गर्दै अगाडि बढिरहेकाले यो स्थान सम्म आएको अनुभव उनिसँग छ । अहिलेसम्म उत्कृष्ट भगवान गौतम बुद्धको तस्बिर, एनिभर्सरी गिफ्टका तस्बिरहरु, बर्थडे गिफ्टका तस्बिरहरू, मान्छेहरुका फेस स्क्रेच तथा नेपाली संस्कृति झल्कने खालका तस्बिरहरु गरि दर्जनौं स्क्रेचहरु तयार गरिएका छन । ड्रविङको दुनियामा कुनै पनि तालिम नगरेरै सानै बच्चै देखि स्क्रेच गर्दै गर्दा, स्कुलको बिदाको समयमा ड्रविङ गर्दै गर्दा पेन्सिल स्क्रेच गर्न सिकेको उनको अनुभव छ ।
नेपालमा स्क्रेच अथवा ड्रविङ सेक्टरबाट करियर बनाउन सक्ने सम्भावना पनि भएको हुदा प्रोफेनल तरिकाले अगाडि बढ्ने उनले बताउँछिन् ।
बन्दना तुलाधरले स्क्रेचिङ गर्नु भएका केहि तस्बिरहरु।
