बुटवल, असार ९
रोटरी क्लव अफ रुपन्देही, रोट्रयाक्ट क्लब अफ रुपन्देही र रोट्रयाक्ट क्लब अफ राममणि क्याम्पसको संयुक्त आयोजनामा तिलोत्तमा १०, सेमरा स्थित स्वास्थ्य चौकीमा वृक्षारोपण कार्यक्रम सम्पन्न गरेको छ ।
सो कार्यक्रममा बोल्दै रोटरी अध्यक्ष गौतमले स्वास्थ्य चौकीमा बन्न लागेको आधुनिक प्रसूति गृहलाई थप सुन्दरता प्रदान गर्न धुपी आर कल्किका बिरुवा रोपिएको जानकारी दिनु भयो ।
रोटरी इन्टरनेशनलको लगानीमा ग्लोबल ग्राण्ट प्रोजेक्ट अन्तर्गत तिलोत्तमा नगरपालिकाको सहयोग र रोटरी क्लब अफ रुपन्देहीको पहलमा सेमरा बजार स्थित स्वास्थ्य चौकीमा अत्याधुनिक प्रसूति गृह सञ्चालनका लागि
१ करोड १८ लाख ४७ हजार बराबरका मेडिकल सामग्री रोटरी रूपन्देहीले हस्तान्तरण गरेको थियो ।
रोटरी इन्टरनेशनल डिष्ट्रिक्ट ३२९२ जोन १८का एसिष्टेण्ट गर्भनर रोट्रियन ध्रुव धिताल को प्रमुख आतिथ्यतामा सम्पन्न भएको उक्त कार्यक्रममा विशिष्ट अतिथि स्वास्थ्यचौकीका अध्यक्ष तथा वडा नं. १० का वडा अध्यक्ष व्यासमुनी चौधरी र रोटरी क्लब अफ रुपन्देही २०-२१का अध्यक्ष रोटरिएन गौतम भुसला र रोट्रयाक्ट क्लब अफ रुपन्देही २०-२१का अध्यक्ष रोट्रयाक्टर मिलन भण्डारीको को संयुक्त अध्यक्षता सम्पन्न भएको थियो । साथै कार्यक्रम सञ्चालन भने रोटरी रुपन्देहीका सचिव रोटरिएन कृष्ण गौतमले गर्नु भएको थियो ।
