बिगत ५ बर्ष देखी निरन्तर सामाजिक सेवामा तत्पर युवाहरुको संस्था टिम नेपोले लकडाउनको पालना गर्दै बिभिन्न कार्यक्रम सम्पन्न गरेको छ । पाचौ स्थापना दिवसको अबसरमा बिभिन्न जिल्लामा सामाजिक दुरी कायम गरी कोरोनाका कारणले विश्व भरी ज्यान गुमाएकाहरुको सम्झनामा दीप प्रज्वलन गरेको टिम नेपो प्रदेश ५ का संयोजक अशोक गौतमले जानकारी दिए । साथै बिभिन्न जिल्लामा रङगोली समेत बनाइएको थियो । यसैबिच स्थापना दिवसको अबसर पारी टिम नेपो रुपन्देहीले “रचनात्मक फोटो प्रतियोगिता” समेत सुरु गरेको टिम नेपो रुपन्देहीका अध्यक्ष जनक भण्डारीले जानकारी दिए ।
टिम नेपोले स्थापनाकाल देखी नै नेपालभर नै बिभिन्न कार्यक्रमहरु जस्तै “कारागार पुस्तक परियोजना” ,भुकुम्पका बेला उद्धार तथा राहत बितरण ,बिभिन्न नेतृत्व बिकास प्रशिक्षण लगायत बिभिन्न कार्यहरु गर्दै आएको र अहिले कोरोनाका कारण चलिरहेको लकडाउनको बेला पनि राहत बितरण तथा उद्धार कार्य गरिरहेको टिम नेपोका संस्थापक अध्यक्ष निगम पौडेलले जानकारी गराए ।
