बुटवल २७ मङ्सिर ।
श्री नहरपुर माध्यमिक विद्यालयले ५१ औँ वार्षिकोत्सव तथा अभिभावक दिवस मनाएको छ । बुटवल ११ अवस्थित विद्यालयले सामाजिक दुरी र स्वास्थ्य मापदण्ड पालना गरी प्रतिनिधिमूलक उपस्थितिमा भव्य रुपमा सम्पन्न गरेको हो ।
विद्यालय व्यवस्थापन समिति अध्यक्ष डोर प्रसाद पोख्रेलको अध्यक्षतामा भएको कार्यक्रमको प्रमुख अतिथि बुटवल उपमहानगरपालिकाका नगर प्रमुख श्री शिवराज सुवेदी र प्रमुख प्रशासकीय अधिकृत श्रीमान् चक्रपाणि शर्माको विशिष्ठ आतिथ्यमा सम्पन्न भएको थियो । त्यसैगरी कार्यक्रममा शिक्षा महाशाखा प्रमुख श्रीमान् मित्रमणि खनाल, ने. रा. शि. स. अध्यक्ष श्रीमान् मोतिलाल सुवेदी, वार्ड नम्बर-११ अध्यक्ष श्रीमान् राम चन्द्र क्षेत्री, वार्ड सदस्य सल्लाहकार श्री नकुल शाही ठकुरी लगायत विभिन्न व्यक्तिहरुको उपस्थितिमा निम्न कार्यक्रम सम्पन्न भएको हो ।
कार्यक्रममा विद्यालयका प्रधानाध्यापकले आयव्यय विवरण सार्वजनिक गर्नुभएको थियो । रु. २ करोड ३६ लाख ७२ हजार ६ सय रकम सार्वजनिक गर्नुभएको थियो । वार्षिकोत्सब कार्यक्रममा २० वर्ष सेवा अवधि पुरा गरेकोमा शिक्षक सरस्वती पन्थी सम्मानित गरिएको छ । साथै नहरपुर निवासी १०५ वर्षीय मालिका भट्टराई लाई समेत सम्मान गरिएको छ ।
निर्माण कार्यमा योगदान पुर्याए बापत निर्माण संयोजक श्री लील बहादुर थापा, सदस्य श्री चेतन थापा र शिक्षक प्रतिनिधि श्री बलराम न्यौपाने सम्मान गरिएको छ । लुम्बिनी प्रदेश स्काउट संयोजक मनोनित हुनुभएकोमा भू. पु. विद्यार्थी मिलन केन्द्र सचिव, सल्लाहकार श्री दीनानाथ भट्टराई सम्मान गरिएको छ ।विद्यालयमा स्थापित छात्रवृत्ति अक्षयकोषमा रु. २९ लाख ८८ हजार पाँच सय छ्यालिस जम्मा गर्ने सहयोग दाताहरूलाई सम्मान सम्मान गरिएको छ ।
कार्यक्रममा विद्यालय परिसरमा निर्माण भएको कालोपत्रे बाटोको उदघाटन गरिएको छ । रु. २३ लाख ४ हजारमा निर्माण गरिदे छ । कार्यक्रममा आधुनिक सूचना प्रविधि प्रयोगशालाको उदघाटन गरिएको छ ।
