गुल्मी । गुल्मीका ९ स्थानीय तहमा १५ शैयाको अस्पताल भवन शिलन्यास भएको छ। जिल्लाका १२ वटा स्थानीय तहमध्ये आइतबार मदाने गाउँपालिका १५ शैयाको अस्पताल शिलान्यास गरिएको थियो ।
सोमबार ८ स्थानीय तहमा १५ शैयाको अस्पताल भवन शिलन्यास भएको हो । गुल्मीका १२ स्थानिय तह मध्ये ११ स्थानीय तहमा अस्पताल शिलान्यास हुन लागेका हुन । रेसुङ्गा नगरपालिकामा सुविधा सम्पन्न अस्पताल रहेकाले जहा अस्पताल नबनाउने भएको छ ।
सोमबार मालिका गाउँपालिकामा र चन्द्रकोट गाउँपालिकामा अस्पताल भवन शिलन्यास भएको छैन् । मालिका गाउँपालिकामा मंसिर १७ गते भवनको शिलान्यास गरिने बताइएको छ । चन्द्रकोट गाउँपालिकामा भवन निर्माणको लागि जग्गा उपलब्ध नभएकाले तत्काल गर्न नसकिएको गाउँपालिकाले जनाएको छ ।
सोमबार जिल्लाको, धुर्कोट गाउँपालिका, इस्मा गाउँपालिका र मुसिकोट नगरपालिकामा पूर्वमन्त्री एबम् गुल्मी क्षेत्र नम्बर २ का सांसद गोकर्ण बिष्टले भवन शिलन्यास गर्नु भएको छ । त्यस्तै कालिगण्डकी गाउँपालिकामा परराष्ट्रमन्त्री प्रदीपकुमार ज्ञवालीद्धारा अस्पताल भवन शिलन्यास भएको छ ।
त्यस्तै सत्यवत्ति गाउँपालिका र रुरु क्षेत्र गाउँपालिकामा लुम्बिनी प्रदेशका सामाजिक बिकास मनत्री सुर्दशन बरालद्धारा अस्पताल भवन शिलन्यास भएको छ । जिल्लाको गुलमी दरवार गाउापालिका र छत्रकोट गाउँपालिकामा लुम्बिनी प्रदेशका बिशेष अधिकार समितिका सभापति कमलराज श्रेष्ठद्धारा १५ शैयाको अस्पताल भवन शिलन्यास भएको छ । २ वर्ष भित्र सम्पन्न गर्ने अस्पताल भवनको लागत १८ करोड रहेको छ ।
