काठमाडौं, भदौ १० – भोटेकोशी क्षेत्रमा आएको बाढीपछि प्रधानमन्त्री बालेन शाहले उद्धार तथा सुरक्षा व्यवस्थाबारे छलफल गर्न आपत्कालीन बैठक बोलाएका छन्।
बाढीबाट प्रभावित नागरिकको उद्धार र सम्भावित जोखिम न्यूनीकरणका लागि तत्काल आवश्यक कदम चाल्ने विषयमा बैठकमा छलफल हुने बताइएको छ। बैठकमा राष्ट्रिय विपद् प्राधिकरणका पदाधिकारीसँगै सुरक्षा निकायका प्रतिनिधिहरूलाई समेत बोलाइएको छ।
प्रधानमन्त्री शाहले भोटेकोशीको तल्लो तटीय क्षेत्रमा रहेका बासिन्दालाई सम्भावित जोखिमबाट जोगाउन तत्काल सुरक्षित स्थानमा सार्न निर्देशन दिएका छन्।
सम्बन्धित जिल्लाका प्रमुख जिल्ला अधिकारीहरूलाई उद्धार तथा स्थानान्तरणको कामलाई प्राथमिकताका साथ अघि बढाउन निर्देशन दिइएको प्रधानमन्त्रीको सचिवालयले जनाएको छ।
बाढी प्रभावित क्षेत्रमा थप क्षति हुन नदिन सुरक्षा निकाय तथा सम्बन्धित सरकारी संयन्त्रलाई आवश्यक तयारीसहित परिचालन गर्न प्रधानमन्त्रीले निर्देशन दिएका छन्।
