फर्साटिकर रुपन्देही
चैत्र १३
नेपाली काङ्ग्रेस शुद्धोधन गाउँपालीकाले बिश्वब्यापी महामारीको रुपमा फैलिएको कोभिड १९ कोरोना भाइरसको कारणले लकडाउन हुँदा प्रभावित भएका अतिबिपन्न,मजदुरी गर्ने गाउँपालिका भित्र रहेका परिवारलाई राहत वितरण गर्नका लागि नेपाली काङ्ग्रेसका वडासभापतीहरुलाई खाद्यान्नसामाग्री हस्तान्तरण गरेको छ।
लकडाउनको कारणले रोजगारी गुमेका,दैनिक ज्यालादारी गरी जीवननिर्वाह गर्ने गाउँपालिका भित्र रहेका ५०० बिपन्न घरपरिवारलाई ५ किलो देखि १५ किलो सम्म परिवारको संख्या हेरि चामल , १ किलो नुन र १ प्याकेट सोयाबिन राहत बितरण गर्नका लागी गाउँपालिका भित्र रहेका पार्टीका सातै वडा सभापतिलाई राहत हस्तान्तरण गरिएको हो।
हस्तान्तरण कार्यक्रममा बोल्दै नेपाली काङ्ग्रेस क्षेत्र न:३का सह-सभापति प्रेम बहादुर फौदारले सरकारले वितरण गरेको राहतमा कम्युनिष्ट कार्यकर्तालाई बाडेको र राहत वितरणमा भ्रष्टाचार गरेको आरोप गराउनुभयो।
नेपाली काङ्ग्रेस शुद्धोधनका सभापति सेरबहादुर काफ्लेले कोरोना भाइरसको महामारीले सिर्जना गरेको लकडाउनको समयमा मजदुरी गरेर खाने बिपन्न परिवारका लागि सरकारले गरेको राहत वितरण प्रभावकारी नभएको भन्दै काङ्ग्रेसले पार्टीभित्र रहेका विभिन्न ब्याक्तिहरुबाट आर्थिक संकलन गरि बिपन्न परिवारलाई सहयोग गर्न लागेको बताउनुभयो । सभापति काफ्लेले आर्थिक सहयोग गरेकोमा पार्टीभित्र रहेका सम्पुर्ण नेता तथा कार्यकर्ता सम्पुर्णलाई धन्यवाद दिनुभयो । ३लाख बराबरको राहत सामाग्री वितरण गरिने पार्टीले जनाएको छ।
कार्यक्रममा नेपाल महिला संघ शुद्धोधन अध्यक्ष रेशमसिङ ठकुरी ,नेपाली काङ्ग्रेस क्षेत्र न :३ ख का सभापति कृष्ण बहादुर बिष्ट,पार्टीका जिल्ला कार्य समिति सदस्य शिवराम न्यौपाने,महाधिवेसन प्रतिनिधि भरथरी यादव,पुर्वमहासमिति सदस्यहरु हरिध्वज मल्ल,सोमनाथ शर्माले बोल्नुभएको थियो भने कार्यक्रमको संचालन पार्टी गाउँपालिका सचीव धनराज कंडेलले गर्नुभएको थियो ।
