नवीनमा व्यवस्थापन संकाय विद्यार्थीलाई अनलाइनद्वारा उदघोषण तालिम

बुटवल, २८ कार्तिक ।
नवीन औद्योगिक कदर बहादुर रीता माध्यमिक विद्यालय देवीनगरमा ब्यवस्थापन संकाय कक्षा ११ मा अध्ययनरत विद्यार्थीहरुलाई अनलाइनद्वारा उद्घोषण तालिम दिइएको छ ।
विद्यालयको वार्षिक कार्यतालिका अनुसार विद्यालयमा अध्ययनरत विद्यार्थीहरुलाई समयको माग अनुसार व्यवहार कुशल सीप (Soft Skills) प्रदान गर्ने नीति अनुसार उद्घोषण तालिम सञ्चालन गरिएको हो । जस अन्तरगत उद्घोषण कलाको परिचय, उद्घोषण तालिम, उद्घोषणको व्यवहारिक र सैद्धान्तिक महत्व, पाँच डव्लु एच, उद्घोषक, उद्घोषकले के गर्ने के नगर्ने, एक औपचारिक कार्यक्रमको नमुना, कार्यक्रमको विवरण, उद्घोषण कलाको प्रारम्भमा तयार गरिने भूमिका, भीभी आइपी, भीआइपीलाई गरिने सम्वोधन, मर्यादाक्रम, पोषाक र शब्दचयन लगायतमा विद्यालयका प्रधानाध्यापक प्रेम बहादुर बस्नेतल सहजीकरण गर्नु भएको थियो भने उक्त कार्यक्रममा ब्यवस्थापन संकाय इन्चार्ज अर्जुन खनाल, विद्यालयका आई.सि.टि विभाग प्रमुख राकेश अग्रहरी र खेलकुद प्रशिक्षक नवराज खरेल लगायतले समन्वय गर्नु भएको थियो ।
ब्यवस्थापन संकाय कक्षा ११ मा अध्ययनरत करिव ३०० विद्यार्थीहरुको सहभागिता रहेको उक्त कार्यक्रममा विद्यार्थीहरु नवीना राना अमुवा, महेन्द्र गिरी गुल्मी, संचिता रोका अमुवा, सन्ध्या भण्डारी पाल्पा, रवि भटराई नवलपरासी, अस्मिता अधिकारी अर्घाखाँची, आकृति अधिकारी रुपन्देही, कविता पराजुली सुनवल, मीरा भटराई बुटवल, सम्राट रेग्मी बुटवल, कृषला श्रेष्ठ बुटवल, चन्द्रकली पुन बाग्लुङ, रचना गौतम गुल्मी र कमला खाम्चा पाल्पा लगायतले प्रस्तुति गरेका थिए ।
विद्यालय लुम्बिनी प्रदेशमा नमुना रहेको छ भने व्रिटिश काउन्सिलद्धारा संचालित International School Award 2020-2021 को लागि अनलाइन प्रोजेक्ट गर्दै छ ।
विद्यालय ब्यवस्थापन संकाय, विज्ञान संकाय र सिभिल इन्जिनियरिङ कक्षा १२ सम्म संचालन भएको छ । मन्टेश्वरी देखि कक्षा १२ सम्म पूर्ण अंग्रेजी माध्यममा र कक्षा ११ र १२ ब्यवस्थापन संकायमा अंग्रेजी र नेपाली दुबै माध्यममा पठनपाठन हुने गर्छ । विद्यालयमा हाल करिब २५०० विद्यार्थी र शिक्षक, प्रशिक्षक, स्टाफ नर्स, खेलकुद प्रशिक्षक र कर्मचारीहरु गरी ९६ जना कार्यरत रहेको विद्यालयले वर्दघाट र ग्रमिण क्षेत्र सियारी सम्म स्कूल बसको व्यवस्था गरेको छ ।