फर्साटिकर रुपन्देही
बैशाख ११
नेपाल मगर संघ शुद्धोधनले कोरोना महामारीको कारणले लकडाउन हुँदा प्रभावित भएका अतिबिपन्न,मजदुरी गर्ने परिवारलाई राहत वितरण गर्नका लागि खाद्यान्न र नगद गाउँपालिकालाई हस्तान्तरण गरेको छ।
बिश्वब्यापी महामारीको रुपमा फैलिएको कोरोना भाइरसको सम्भावित जोखिम न्यूनीकरणका लागि नेपाल सरकारले गरेको लकडाउनको कारणले रोजगारी गुमेका,दैनिक ज्यालादारी गरी जीवननिर्वाह गर्ने बिपन्न परिवारलाई राहत बितरण गर्ने गाउँपालिकाको कार्यक्रमलाई मगर संघ शुद्धोधनको तर्फबाट सहकार्य गर्दै १ क्विन्टल चामल र १० हजार नगद हस्तान्तरण गरेको हो।
वितरण कार्यक्रममा नेपाल मगर संघ जिल्ला कार्यसमिति रुपन्देहीका सदस्य हेम बहादुर राना ,नेपाल मगर संघ शुद्धोधनका अध्यक्ष हेम बहादुर थापा ,सचिव यम बहादुर घर्ती लगायत अन्य पदाधिकारीहरु,गाउँपालिकाको तर्फबाट अध्यक्ष किशुनचन्द चौधरी, वडा न:२ का अध्यक्ष विष्णु बस्याल,वडा न:३ का अध्यक्ष हेमबहादुर खड्का ,वडा न:४ का अध्यक्ष राजेन्द्र कंडेलको उपस्थिति रहेको थियो।
यसैगरि मानपकडी युवा क्लबका अध्यक्ष एंव नेपाल मगर संघ शुद्धोधनका वरिष्ठ उपाध्यक्ष मानबहादुर बुढाथोकीले आफ्नो तर्फबाट १ क्विन्टल चामल राहत स्वरुप गाउँपालिका अध्यक्षलाई हस्तान्तरण गरेका छन ।
