गुल्मी, २० कार्तिक ।
गुल्मीको धुर्कोट गाउँपालिकाले बेरोजगारी लाई स्वरोजगार दिने उदेश्यका साथ कृषि उत्पादनमुखी कार्यक्रम गर्ने भएको छ । स्थानिय स्तरमा रहेको बेरोजगारी समस्या समाधान गर्न तथा कृषकहरुलाई सहुलियत प्रदान गर्न यस्तो कार्यक्रम गर्न लागेको प्रमुख प्रशासकीय अधिकृत काशिराम पन्थीले जानकारी दिनुभयो ।
चालू आर्थिक बर्ष २०७७/७८ का लागि प्रदेश सरकारले यस गाउँपालिकालाई स्वीकृत गरेको कार्यक्रम अन्तर्गत कोभिड प्रभावित भई गाउँ फर्केका कृषकहरुलाई उत्पादन सामाग्रीहरुमा अनुदानसम्बन्धि कार्यक्रम गरिदै छ । जसमा तरकारी खेती, फलफुल खेती, पशुपालन, च्याउ खेती, मौरीपालन, कुखुरापालन, बङ्गुर तथा बाख्रापालन कार्यक्रम तय भएको अध्यक्ष भुपाल पोखरेलले जानकारी दिनुभयो ।
साथै हाल भएका फलफुल नर्सरी क्षमताको अभिवृद्धि कार्यक्रम गर्न लागिएको हुदा सम्बन्धित कृषक,कृषि समुहमा गाउँपालिकाले जानकारी दिएको छ ।
