बुटवल, १६ कार्तिक ।
आई.वाई.ए ले दियो सडक पशुलाई खाना र रेबिज भ्याक्सिन दिएको छ । आइतबार बुटवलका विभिन्न स्थानमा यस्तो कार्यक्रम गरेको हो ।
Iconic Youth for Animals (IYA) नामक संस्थाले आज दोस्रो पटक सडक पशु लाई खाना तथा रेबिज भ्याक्सिन लगाइ दिएको छ । बुटवल उपमहानगरपालिकाका वडा नम्बर १३, वडा नम्बर ११ र वडा नम्बर ४ मा रहेका विभिन्न पशु तथा जनावरलाई खाना दिएको सोही कार्यक्रममा केशब लम्सालले भ्याक्सिन लगाइदिनु भएको थियोे ।
साथै सो संस्था को आज १५ सदस्यीय नयाँ समिति बनाएको छ । कार्यक्रम पश्चात् बसेको बैठक अनुसार अध्यक्षमा सुरुचि खड्का, उपाध्यक्षमा भेष ब.थापा र राजन गौडेल, सचिवमा शंकर पान्डे, सह-सचिबमा हेमा पुरी, सह कोषाध्यक्षमा मधु पौडेल र सदस्यहरुमा सुनिता श्रीस, केशब गिरि,आकाश डागी,गिता कुवर, युसुफ गुरूङ, राजेश भारी, आशिष बगाले, विशाल भुसाललाई सर्वसहमत चयन गरेको छ ।
संस्थाको मनोनित सल्लाहकारहरुमा बुटवल वडा नम्बर १३ का वडा अध्यक्ष नारायण प्रसाद पुन, बरिस्ठ सल्लाहकार जय प्रकाश भट्टराई, सल्लाहकार केशव लम्साल र राजेश गैरे रहनुभएको सस्थाका सचिव शंकर पाण्डेयले बताउनुभयो ।
