गुल्मी, १३ कार्तिक ।
गुल्मीको मदाने गाउँपालिकाको एक गाउँमा बिद्धुत बिग्रेदा सम्बन्धित निकायले कुनै पहल गरेको छैन । विद्धुत बिग्रेको हप्तादिन पुगिसकेको, स्थानीय अध्यारोमा छन, अँध्यारो मै दशै पर्व मनाए तर यस्तो जटिल अवस्था सिर्जना हुदा अझै पनि सम्बन्धित निकायले कुनै पहल गर्न नसकेको स्थानियहरुको गुनासो छ ।
मदाने गाउपालिकाको वडा न १ मा पर्ने ओख्नेदह गाउमा रहेका १५/१६ घरबाहेक अन्य १६० घरपरिवार गत कार्तिक ७ गतेदेखि अध्यारोमा छन । गत कार्तिक ७ गते बिग्रिएको केन्द्रीय लाइन अझै मर्मत भएको छैन । पटकपटक स्थानिय विद्धुत कर्मचारीलाई जानकारी गराउदा गराउदै नटेरेको र कुनै वास्ता नगरेको स्थानियको आरोप छ ।
त्यसो त नेपाल विद्धुत प्राधिकरण गुल्मीका कर्मचारी कर्मचारीबिचको समझदारी हुन नसक्दा यस्तो अवस्था सिर्जना भएको सम्बन्धित व्यक्तिहरु बताउँछन् । उपल्लो तहबाट सर्टडाउन नदिने, फोन काट्ने जस्ता क्रियाकलापले मर्मत गर्न अप्ठ्यारो भएको बताइएको छ । यद्यपि बिद्धुत बिग्रेको सातादिन पुग्दा पनि कुनै पहल नभइ अध्यारोमा बस्न पर्दा स्थानियहरु आजित छन् ।
महान पर्व दशै सम्म बन्ला, उज्यालोमा मनाउन पाइएला भने अपेक्षित स्थानिय उपभोक्ता दशै सकिन लाग्दा पनि उज्यालोमा बस्न सकेनन् । जसले गर्दा सानासाना घरेलु उद्योग संचालन, बिद्धुतिय मिल, बिद्धुतिय सामाग्री परिचालनबाट बञ्चित छन । यी समस्याको समाधानको लागि बिद्धुत निर्माण अपरिहार्य छ । स्थानिय उपभोक्तालाई सहि उपभोग र सेवा प्रदान गर्न सम्बन्धित निकाय र कर्मचारी जागरुक र आफ्नो कर्म सहि समयमा गर्नु आवश्यक छ ।
