गुल्मी,९ कार्तिक ।
गुल्मी । नेपालीको बर्षकै ठुलो पर्वको रुपमा रहेको वडा दशैंको आज नवौं दिन । तर कोरोना महामारीको कारण यस पालि विगतका बर्षहरुमा जस्तो चहल पहल देखिएन । त्यसैपनि घटस्थापनाको दिनदेखि त बजारमा सधैंजसो चहलपहल हुने गर्थ्यो, यसपाली त दशैको नवौं दिन पनि बजार, मन्दिर र विभिन्न शक्तिपिठहरुमा रौनतकता देखिएन ।
जिल्ला प्रशासन कार्यालय गुल्मीले एक सुचना जारी गर्दै गुल्मीका विभिन्न मन्दिर तथा शक्तिपिठहरुमा निषेधाज्ञा जारी गरेको थियो । कोरोनाका कारण जारी गरेको सोही सुचनालाई मध्येनजर गर्दै गुल्मीका विभिन्न शक्तिपिठहरुमा अौपचारिकता बाहेक अरु बली दिने, मेला लाग्ने जस्ता कार्य गरिएन । गुल्मीका विभिन्न धुर्कोट, इस्माकोट, पुर्कोट लगायतका विभिन्न स्थानमा दशैको नवौं दिन गरिने पुजाआजा बाहेक अन्य बली दिने,मेला लाउने जस्ता क्रियाकलाप गरिएन । जसका कारण यसपालिको दशै सुनासान बन्यो ।
खासगरी बजारी क्षेत्रमा गत बर्षको तुलनामा ५० देखि ७० प्रतिशतसम्म व्यापारमा कमी आएको व्यापारीहरु बताउँछन । बजार विगतको वर्षहरुमा जस्तै पूर्णरुपमा सूचारु नभए पनि ‘केही भएपनि व्यापार हुने आशाले’ व्यापारीहरले यो बर्ष बजार खोलेका छन् । यद्यपी बजारमा सोँचेजस्तो व्यापार छैन । जसका कारण कोरोना महामारीमा पनि बजार शून्य बन्यो ।
