बुटवल, भदौ ६ । रोट्रयाक्ट क्लब अफ रूपन्देहीले विश्व शान्ति दिवसको अवसर पारेर शान्ति र अमनका लागि असोज ५गते दीप प्रज्वलन कार्यक्रम सम्पन्न गरेको छ ।
मणिग्राम स्थित E-garden पार्टी प्यालेस एण्ड रेष्टुराँमा रोटा बर्ष २०-२१का अध्यक्ष रोट्रयाक्टर मिलन भण्डारीको अध्यक्षतामा दीप प्रज्वलन गरि उक्त कार्यक्रम सम्पन्न भएको हो ।
कार्यक्रमका प्रमुख अतिथि रोट्रयाक्ट रुपन्देहीका पूर्व अध्यक्ष रोटरीएन हरि पन्थले भने “युद्ध, हिंसा, हुलदङ्गा र सबै प्रकारका अशान्तिबाट स्वतन्त्र रहन पाउनु नै शान्तिको अधिकार हो । अहिले शान्तिको अधिकार अन्तर्राष्ट्रिय कानूनको अभिन्न अंग बनेको छ । विश्व र नेपालमा शान्ति र अमन कायम रहोस् सबैमा शुभकामना” ।
२५जना को सहभागिता रहेको उक्त कार्यक्रममा रोट्रयाक्टर सन्देश पोख्रेल एवम् रोट्रयाक्टर बल्लभ भण्डारीको संयोकत्व एवं फोटो तर्फ फोटोग्राफर रोट्रयाक्टर निकोलस सिरिसको सहयोगमा सम्पन्न भएको हो ।
हरेक वर्ष सेप्टेम्बर २१ का दिन संयुक्त राष्ट्र संघको आह्वानमा संसारभर विभिन्न नारासहित विश्व शान्ति दिवस मनाइन्छ । यसका लागि यस वर्ष (सन् २०२०) को नारा ‘सेपिँग पीस टुगेदर’ अर्थात् ‘सँगै मिलेर शान्तिलाई साकार पारौँ’ भन्ने राखिएको थियो ।
