मदाने,गुल्मी ७ बैशाख।
मदाने गाउँपालिकाले अलपत्र नागरिकहरुलाई उद्दार गरेको छ। पर्वतबाट आएको टोलि र बाग्लुङ्गबाट आएका १९ जनारलाई उद्दार गरेको हो।
पर्वतबाट आएका १० जनाको टोलि तम्घास हुँदै पुर्कोटदह आएका थिए। शनिबार बेलुका मदाने गाउँपालिका पुर्कोटदहमा अलपत्र परेका थिए। उनिहरुलाई सुरक्षित साथ पुर्कोटदहको क्वारेन्टाइनमा बाँस बसालिएको थियो। यो टोली दाङ पुग्ने बताईएको छ।
बाग्लुङ्गबाट आएका ढाई बर्षिय बालक सहित ९ जनाको टोलि पनि शनिबार बेलुका मदाने गाउँपालिका पुर्कोटदहमा रहेको क्वारेन्टाइनमा राखिएको थियो। जुन टोली बाके र बर्दिया पुग्ने भनेर बताईएको छ।
विश्वव्यापि संकटमा रहेको कोरोना भाइरस कोभिड १९ को नियन्त्रणको लागि नेपाल सरकारले घोषणा गरेको लकडाउन लम्बिदै गर्दा आफ्नो घरसम्म पुग्ने नागरिक बढ्दै छन। सुरक्षित साथ आफ्नो घर पुग्न गाडि नचली रहेको अवस्थामा पनि नेपाली नागरिक हिड्दै भए पनि घर पुग्न खोजिरहेको अवस्था छ। यसरी मदाने गाउँपालिकामा अलपत्र परेका ति नागरिकहरुलाई केहि राहात मिलोस भन्ने उद्देश्यले गाउपालिकाले सुरक्षितसाथ सम्बन्धित गन्तव्यसम्म पुर्याउन सहयोग गरेको गाउँपालिका उपाध्यक्ष सरिता खड्काले जानकारी दिनुभयो । यि दुवै टोलीलाई मदाने गाउपालिकाले प्युठान नगरपालिकासँग समन्वय गरि गाडी बनाई पठाएर उद्दार गरेको उहाँले बताउनुभयो।
