फर्साटिकर रुपन्देही, भाद्र ३ । रुपन्देहीको शुद्धोधन गाउँपालिकामा रहेको मोतिपुर प्राथमिक स्वास्थ्य केन्द्रमा रहेका स्वास्थ्यकर्मिमा कोरोना देखीएसङ्गै स्वास्थ्य केन्द्र र अन्य ४ निजि मेडिकल क्लिनिक सिल गरिएको छ।
फर्साटिकरमा रहेका मोतिपुर स्वास्थ्य केन्द्र,शुद्धोधन पोलिक्लिनिक,भावना मेडिकल,रितिका मेडिकल र तिलोत्तमा चोकमा रहेको औषधी पसललाई सिल गरिएको हो अन्य स्वास्थ्य संस्था भने खुल्ला रहनेछन।
बुधबार मोतिपुर स्वास्थ्य केन्द्रका २ जना स्वास्थ्यकर्मी, १ जना शिक्षक र २ जना यज्ञोदय क्वारेन्टिनका २ जनालाइ संक्रमण पुष्टी भएको थियो।
समुदाय स्तरमा फैलिएको कोरोनाको कहरले वडा न.३ र ४मा सम्पुर्ण ब्यवसाय,भौतिक निर्माणका कार्यहरू पनि पुर्ण रुपमा बन्द भएका छन, दूध डेरिको हकमा बिहान ६ बजे देखि ८ बजेसम्म बेलुकी ५ देखि ७ बजे सम्म मात्र सञ्चालन गर्न पाउने भएको छ ।जमघट, भिडभाड खुल्ला ठाउमा ठेला गाडामा सञ्चालन हुने ब्यवसाय, कवाडी संकलनमा पुर्णरुपमा प्रतिबन्ध लगाइएको छ।
यस्तै संक्रमितको सम्पर्कमा आएकाहरुको कन्ट्रयाक्ट टेसिङ्गसमेत गरि स्वाव संकलन गर्ने तयारी भैरहेको गाउँपालिका जनस्वास्थ्य निरीक्षक समीर भण्डारीले जानकारी दिनुभयो । मोतिपुर स्वास्थ्य केन्द्रका स्वास्थ्यकर्मी, केही जनप्रतिनिधिको बिहीवार पिसिआर परिक्षण गरिने भण्डारीले बताउनुभयो।
संक्रमित ५ जना मध्ये २ जना स्वास्थ्यकर्मिलाई मोतिपुर प्राथमिक स्वास्थ्य केन्द्रमा आइसुलेसन निर्माण गरि राखिने र २ जना यज्ञोदय दुधनाथ थारु बहुमुखी क्याम्पसमा आइसुलेसन निर्माण गरि राखिने र १ जना शिक्षक होमआइसुलेसनमा रहने गाउँपालिका प्रवक्ता राजेन्द्र कडेलले जानकारी दिनुभयो।
संक्रमित सबैको स्वास्थ्य अवस्था सामान्य रहेको प्रवक्ता कडेलले बताउनुभयो ।
