गुल्मी – साउन २५ : गुल्मीको मदाने गाउँपालिकामा कोभिड विशेष बेमौसमी आलु प्रविधि तालिम कार्यक्रम गरिएको छ ।
कोभिड विशेष बेमौसमी आलु प्रवद्धन समितिको आयोजना तथा कृषि ज्ञान केन्द्र गुल्मीको प्राविधिक सहयोगमा बेमौसमी आलु प्रविधि तालिम गरिएको हो ।
आइतबार मदाने गाउँपालिकाको वडा न २ बाझकटेरी होल्वाङ्गमा आयोजित कार्यक्रमको सभाअध्यक्ष प्रवद्धन समितिका अध्यक्ष चक्रबन्धु भुषाल तथा प्रमुख अतिथिमा मदाने गाउपालिकाका अध्यक्ष दान बहादुर केसि रहनुभएको थियोे ।
कृषि ज्ञान केन्द्रका प्रमुख बुद्धिराज घिमिरे र गाउपालिका उपाध्यक्ष सरिता खड्काको विशिष्ट आतिथ्य रहेको तालिममा गाउँपालिका कृषि शाखा प्रमुख हुम बहादुर थापा, कृषि ज्ञान केन्द्र गुल्मीका लेखा अधिकृत गुणनिधि पाण्डे, कृषि अधिकृत खुविराम पोखरेल, कृषि अधिकृत टिकाराम न्यौपाने,स्वतन्त्र पत्रकार संघका ५ न प्रदेश सदस्य विवश विष्ट, मदाने २ का वडा अध्यक्ष माधव भुषाल लगायतका व्यक्तिहरु उपस्थित रहनु भएको थियोे ।
कार्यक्रममा आलु प्रवर्द्धन समिति अध्यक्ष चक्रबन्धु भुषालले कार्यक्रमबारे प्रकाश पार्नु भएको थियो ।
कृषि ज्ञान केन्द्र गुल्मीद्वारा वितरित ३०० क्विन्टल बेमौसमी जनकदेव आलु बीउ मदाने गाउँपालिका वडा न.१ अग्लुङ्गका विभिन्न कृषि समूहद्वारा ५० क्विन्टल आलु, वडा न.२ बाझकटेरीका विभिन्न कृषक समुहद्वारा १६५ क्विन्टल र वडा न ५ सिर्सेनीका विभिन्न कृषि समुहद्वारा विभिन्न स्थानमा र बाकि आलु दिव्रुङ्गमा वितरण गरिएको कृषि ज्ञान केन्द्र गुल्मीका प्रमुख बुद्धिराज घिमिरेले बताउनु भयो ।
अहिले कभिड १९ को विषम परिस्थितिमा विदेशबाट गाउगाउमा आएका युवाहरु तथा कृषकहरुको जिवनस्तर उकास्न कोभिड विशेष कार्यक्रम गरिएको बताउनुभयो ।
यसरी यस्तो अवस्थामा पनि कृषि ज्ञान केन्द्रले समय सापेक्ष काम गरेको भन्दै मदाने गाउँपालिकाका अध्यक्ष दान बहादुर केसिले ज्ञानकेन्द्रलाई धन्यवाद दिनुभएको छ । अब गाउपालिका भित्र कृषि क्षेत्रलाई फस्टाउदै आलु जोन,ओखर जोन र स्याउ जोन बनाइने बताउनु भएको छ ।
समितिका सचिव राजेन्द्र बिष्टको संचालनमा भएको तालिम कार्यक्रमको प्रशिक्षण कृषि ज्ञान केन्द्रका कृषि अधिकृत खुबिराम पोख्रेल र मदाने गाउँपालिका कृषि शाखा प्रमुख हुमबहादुर थापाले गर्नुभएको थियो ।
