काठमाडौँ । निरन्तर सफल फिल्म दिँदै आएका अभिनेता अनमोल केसी यतिबेला भने फेल भएका छन् । छड्के २ का कारण नराम्रोसँग ठक्कर खाएका अनमोलले अबको यात्रा आफ्नो फरिकाले अघि बढ्ने बताइरहेका बेला उनलाई दुखमा साथ दिने अप्ठ्यारा दिनहरुमा धेरै सहयोगी मनहरुले हौसला दिएका छन् ।
यसैबिच आफ्नो फिल्म फ्ल्प भएपछि अनमोल केसीले सामाजिक सञ्जालमा आफ्नो विचार राख्दै आफू शून्यमा झरेको भावना बाँडे लगत्तै अनमोलको धेरैले प्रशंसा पनि गरेका छन् । अनमोलले आफ्ना प्रशंसकहरूसँग माफी समेत मागेका बेला अभिनेता राजवल्लभ कोइरालाले पनि अनमोललाई सम्बोधन गरेर भावुक सन्देश पोस्ट गरेका छन्।
राजबल्लभले इन्स्टाग्राममा अनमोलको प्रशंसा गर्दै उनको भनाइको पोस्टमै प्रतिक्रिया दिँदै सफलता अनि असफलता जीवनको भाग भएको भन्दै जुन विषय आफ्नो नियन्त्रणमा छैन त्यसमा हार र जीतको अर्थ नहुने उल्लेख गरेका छन्।
प्राय आफ्नो कमजोरी स्वीकारै नगर्ने कैयौँ चलचित्रकर्मीहरुको बानी भन्दा अनमोलको बानी कमजोरी स्विकार्न सक्ने कुराको प्रशंसा गर्दै एकाएक अमेरिका भासिएका अभिनेता राजवल्लभ कोइरालाले भनेका छन् यो उतारचढावले आगामी दिनमा बलियो बनेर फर्कन सक्ने भन्दै सुझाव दिएका छन् ।
साथै, अभिनेता राजबल्लभ कोइराला पनि एक दशकपछि फिल्ममा कमब्याक गर्दैछन्। उनले दीपक वलीको निर्देशन रहने फिल्म ‘कामिनो’ बाट कमब्याक गर्न लागेका हुन्। उनी पछिल्लो समय सन् २०१३ मा प्रदर्शन भएको फिल्म ‘ऋतु’ मा देखिएका थिए। उनी अमेरिका गएपछि फिल्म क्षेत्रबाट टाढिएका हुन्।
उनले सामाजिक सञ्जालमार्फत केहि दिन अघि फिल्ममा अनुबन्ध भएको जानकारी दिँदै लेखेका छन्- ‘दाइ नेपाली फिल्ममा फेरि कहिले आउनु हुन्छ? यो वर्ष कामिनोसँगै।’ निर्माण टिमका अनुसार उनी नेपाल आउने छैनन्। उनको दृश्य अमेरिकामै छायांकन गरिनेछ।
‘कामिनो’ मा राजसँगै प्रदीप खड्का र वर्षा सिवाकोटीको मुख्य भूमिका रहनेछ। फिल्मको कथा महेश दवाडीले तयार पारेका हुन्। एक्सेस नेपाल फिल्म्स ब्यानरबाट निर्माण हुने फिल्मलाई सौरभ लामाले छायांकन गर्नेछन्। यो फिल्म नेपालीसँगै हिन्दी, अंग्रेजी र स्पेनिस भाषामा प्रदर्शन हुनेछ।
