बाँकेमा टिप्परको ठक्करबाट आज एक पैदल यात्रीको मृत्यु भएको छ ।कोहलपुरबाट नेपालगञ्जतर्फ जाँदै गरेको भे१क ६५६ नंको टिप्परले नेपालगञ्ज उपमहानगरपालिका–२० राँझा चोकमा ठक्कर दिँदा स्थानीयवासी ७० वर्षीय वीरबल भण्डारीको मृत्यु भएको जिल्ला प्रहरी कार्यालय, बाँकेका प्रहरी नायब उपरीक्षक मधुसूदन न्यौपानेले जानकारी दिए ।ठक्करबाट गम्भीर घाइते भएका भण्डारीलाई अस्पताल पु¥याएलगत्तै चिकित्सकले मृत घोषणा गरिएको उनले बताए ।ठक्कर दिइने टिप्पर र त्यसका चालकलाई प्रहरीले नियन्त्रणमा रहेको प्रहरीले जनाएको छ ।
यो पनि पढ्नुहोस- नाबालिगलाई जबरजस्ती करणी गरेको मुद्दामा थुनछेक बसहपछि गत चैत १० मा जिल्ला अदालत तनहुँका न्यायाधीश हरिश्चन्द्र ढुंगानाले तत्काल पुर्पक्षका लागि थुनामा पठाउने ओदश गरेपछि अभिनेता पल शाह भनिने पूर्ण विक्रम शाहले उच्च अदालत पोखरामा पुनरावेदन दिएका छन् ।जिल्ला अदालत तनहुँको थुनछेक आदेशविरुद्ध आफूलाई साधारण तारेखमा राखी पाउँ भनी आज मंगलबार पोखरास्थित उच्च अदालतमा मुलुकी फौजदारी कार्यविधि संहिता, २०७४ को दफा ७३ बमोजिम पुनरावेदन उनले दिएका हुन् ।
अभिनेता शाहको तर्फबाट कानुन व्यवसायीहरुले ल्याएको निवेदन अदालतमा दर्ता भएको उच्च अदालतका सूचना अधिकारी विष्णुप्रसाद आचार्यले पुष्टि गरे ।थुनामा राख्न गरिएको सुरु जिल्ला अदालतको आदेश कानुनसम्मत, मिसिल र तथ्यगत प्रमाणसम्मत नभएको र अभिनेता शाहलाई साधारण तारेखमा राखी मुद्दाको पुर्पक्ष गर्न पाउनुपर्ने प्रतिवादीको जिकिर गर्दै उच्च अदालत पोखरामा पुनरावेदन परेको हो ।निवेदन दर्तापछि बुधबार एकल इजलासमा पेस हुने र पक्ष–विपक्षी दुबै तर्फको बहसपछि अदालतले आदेश गर्ने व्यवस्था रहेको सूचना अधिकारी आचार्यले बताए ।
शाहको पक्षबाट बहस गर्ने वरिष्ठ अधिवक्ता कमलामोहन वाग्लेले तनहुँ जिल्ला अदालतले थुनामा राख्ने गरेर आदेश बदर गरी तारेखको पुर्पक्ष गरी पाउँ भनेर पल शाहले उच्च अदालत पोखरामा निवेदन पेश गरेको र प्रारम्भिक सुनुवाइ भोलि हुने बताए ।