बुटवल – राष्ट्रिय टेलिभिजन प्रशारक संघ नेपालले लुम्बिनी प्रदेश सरकारलाई ध्यानआर्कषणपत्र बुझाएको छ ।
प्रदेश सरकारले आर्थिक वर्ष ०७८÷०७९ को बजेटमा टेलिभिजनहरुका लागि उपलब्ध गराइएको कार्यक्रम प्रशारण वापतको रकम कटौती गरेको भन्दै संघले ध्यानआर्कषण गराएको हो ।
ध्यानआर्कषण कार्यञmमलाई सम्वोधन गदै सञ्चारमन्त्री शर्माले ध्यानआर्कषणपत्रका सम्बन्धमा पहिले रकम घटाईएको नभएर पहिले सुचिकृति भएका मिडिया हाउस कम रहेका थिए तर अहिले मिडिया हाउस बढेकाले रकममा कहि फरक परेको हो । यस वारेमा बुझेर सुधार गर्न मिल्ने भए सुधार गर्ने प्रतिबद्धता समेत जनाउनुभयो ।
राष्ट्रिय टेलिभिजन प्रशारकसंघका केन्द्रीय सदस्य एंव लुम्बिनी प्रदेश संयोजक विष्णु प्रसाद भुसालले आन्तरीक मामिला तथा सञ्चारमन्त्री तिलकराम शर्मालाई ध्यानआर्कषण पत्र बुझाउँदै सच्चाउन माग समेत गरिएको छ । अघिल्लो आर्थिक वर्ष भन्दा यो बर्ष ६२ प्रतिशतले बजेट कम पाउने गरि बजेट उपलब्ध गराइएकोमा संघले आपत्ती जनाएको हो । सरकारले कोरोना महामारीबाट आक्रान्त धएका टेलिभिजनलाई गत वर्ष भन्दा पनि कम बजेट दिएर महंगी र बजारको मूल्यांकनलाई अवलमूल्यन गरेको बताउनुभयो ।
त्यसै गरि सामूदायिक टेलिभिजन संघका तर्फबाट लुम्बिनी प्रदेशका संयोजक दिनेश पाण्डेले ज्ञापनपत्र बुझाउँदै सरकारको ध्यानआर्कषण गराउनुभएको छ । उहाँले पनि सरकारले अघिल्लो पटक दिएको बजेट कटौती गरेकोमा आपत्ती जनाउँदै पुर्नविचार गर्न आग्रह समेत गर्नुभयो । सरकारले कोरोनाले थला परेको बेला सरकारले दिदै आएको रकममा बढाएर दिनु पर्नेमा घटाएर दिनुमा सस्थाको तर्फवाट आपत्तिजनक समेत रहेको बताउनु भयो ।