फर्साटिकर, पौष १० ।
रुपन्देहीको शुद्धोधन गाउँपालिका वडा न .४ बर्मेलीटोलमा आजबाट शुद्धोधन गाउँपालिका आठौं फर्साटिकर कप २०७७ सुरु भएको छ। आजको उद्घाटन खेलमा केरवानी स्पोर्टिङ क्लब देवदह लाई सडनदेथमा ५/४ गोलान्तरले पराजित गर्दै भैरव स्पोर्ट्स क्लब नवलपरासी विजयी भएको छ। खेलको म्यान अफ द म्याच भैरवका सुमित श्रेष्ठ भएका छन।
भोलिको खेल सेन्ट्रल कलेज (BFC )चितवन र जनज्योति युवा क्लब डिङ्गानगरबिच हुने छ।
फर्साटिकर युवा क्लबको आयोजनामा भएको प्रतियोगिता मा रुपन्देही, पाल्पा,चितवन तथा नवलपरासीका उत्कृष्ट टिमको सहभागितामा रहने टिमको विजेताले नगद २ लाख पुरस्कार राशीसहित शिल्ड, मेडल र प्रमाण पत्र प्राप्त गर्ने क्लबका अध्यक्ष मुकेश कुवरले बताउनुभयो। यसैगरि उपविजेता टिमले नगद १ लाख हजार रुपैया नगद राशिसहित शिल्ड, मेडल र प्रमाण पत्र प्राप्त गर्ने छ ।
प्रतियोगितामा विधागत रुपमा ५ जना खेलाडीहरुलाई र सेमिफाइनललिस्टलाई पुरस्कृत गरिने खेल संयोजक टेकु भण्डारीले बताउनुभयो ।
विधागत रुपमा सर्वौउत्कृष्ट खेलाडी,उदयमान खेलाडी,उत्कृष्ट गोलकिपर,उत्कृष्ट रक्षक र सर्वाधिक गोलकर्ताले ५००० हजार कप मेडल प्रमाणपत्र प्राप्त गर्ने छ भने फाइनलिस्ट टिमले १५००० कप मेडल प्रमाणपत्र प्राप्त गर्ने छ।