शुद्धोधन ।
महाकल्प कृषि सहकारी संस्था लि.ले आफ्नो छैठौं वार्षिक साधारण सभा मङ्सिर २० गते शनिबार बुद्धभिलेज कटेज एण्ड पार्टी प्यालेस शुद्धोधन -५ मानपकडिमा सम्पन्न गरेको छ।कार्यक्रम महाकल्प कृषि सहकारीका सचीब नवराज आचार्यले सञ्चालन गर्नु भएको थियो भने कार्यक्रममा प्रमुख आतिथ्य प्रदेश सभाका सांसद तुल्सी चौधरि र कार्यक्रमको अध्यक्षता बिष्णु गौतमले गर्नुभएको थियो ।कार्यक्रममा शुद्धोधन गा.पा.का वडा अध्यक्षहरु ,विभिन्न सहकारीका अध्यक्ष र संस्थाका सम्पुर्ण कर्मचारी ,सेयर धनिहरुको उपस्थित रहेको थियो।आफ्नो स्वागत मन्तव्य राख्दै महाकल्प सहकारीका उपाध्यक्ष चिन्तामणि खरेलले कार्यक्रम र महाकल्प सहकारिको उदेश्यमाथी प्रकाश पार्नु भयो।
कार्यक्रममा बोल्दै सोही संस्थाका सल्लाहकार खिमानन्द भुसालले कृषिलाई निर्वाहा मुखी र युवामा यसको आकर्षण बढाउनु पर्ने कुरा राख्नु भयो। बार्षिक आय व्याय प्रतिबेदन संस्थाको कोषाध्यक्ष टंक पौडेलले पेश गर्नुभयो। कार्यक्रममा संस्थाको साधारण सभा २०७६ को अनुसार सेयर पूंजी र सदस्य संख्या वृद्धि गरिएको जसबाट सेयर पूंजी करिब रु .१८ लाखले वृद्धि गरि २०७७ कार्तिक मसान्त सम्म रु.९९०९५०० पुर्याइएको कुरा प्रतिबेदनमा पेश गर्नुभयो।
।कार्यक्रममा मुख्य आकर्षणको रुपमा रहनु भएको प्रदेश सभाका सांसद तुल्सी चौधरिले आफ्नो भनाइ राख्दै सहकारिलाइ उत्पादन तर्फ उत्प्रेरित गरे मात्र अघि बढ्न सक्ने र राज्यको नीति अनुसार सहकारी चल्नुपर्ने र चाडैं स्मार्ट कृषिप्रबिधि भित्र्याउन प्रदेश सरकारले पहल गरिरहेको बताउनुभयो र यश सहकारिले कृषिमा लगानी गरेको र कृषकहरुको हितामा काम गरेकोमा बधाई दिनुभयो।
कार्यक्रममा सहर्स सहकारी संस्थाका अध्यक्ष दल बहादुर श्रिस र समाजसेवी नरबहादुर घर्ती लगाएतले शुभकामना मन्तव्य दिनुभएको थियो।
