बुटवल,१८ मंसिर ।
२९ औं अन्तराष्ट्रिय अपाङगता दिवश बुटवलमा पनि मनाइएको छ । “कोभिड –१९ पश्चातको उत्कृष्ट पुनरागमनको सुनिश्चितता : अपाङगता भएका व्यक्तिहरुको पहुंच र दीगोविकासको लागि हामी सबैको प्रतिवद्धता” भन्ने नाराका साथ आज विहिवार सामाजिक विकास मन्त्रालयको आयोजनामा बुटवलमा दिवश भव्यसाथ मनाइएको हो ।
कार्यक्रममा सामाजिक विकास मन्त्री माननीय सुदर्शन बराल ज्यूले अपाङगता भएका व्यक्तिहरुको अधिकारको विषयमा मन्त्रालय निकै संवेदनशिल रहेको बताउदै उहांहरुको अधिकार स्थापित गर्न सहकार्य गर्न तयार रहेको बताउनुभयो ।
मन्त्रालयका शाखा अधिकृत मित्र प्रसाद गौतमको संचालनमा भएको कार्यक्रममा राष्ट्यि अपाङ महासंघ नेपालका लुम्विनी प्रदेश अध्यक्ष दुर्गा आचार्य, सामाजिक विकास महाशाखा शारदा बस्याल बेलबासे लगायतले मन्तव्य व्यक्त गर्नुभएको थियो । सो अवसरमा अपाङगताको क्षेत्रमा विशेष योगदान गरेका व्यक्तिहरुलाई सम्मान गरिएको थियो ।