नेपालमा पहिलोपटक अपाङ्गहरुका लागि शुद्धोधन ४ ले नि:शुल्क स्वास्थ्य बिमा गरिदिने

फर्साटिकर, १८ मंसिर। रुपन्देहीको सुद्धोधन  गाउँपालिका वडा न .४ ले आफ्नो वडाभित्र रहेका सम्पुर्ण अपाङ्ग ब्याक्तिहरुका लागि निशुल्क स्वास्थ्य बिमा गरिदिने भएको छ।
`कोभिड १९ प्रश्चातको उत्कृष्ट पुनरागमनको सुनिश्चितता अपाङ्ग भएको ब्यक्तिहरुको पहुँच र दिगो विकासका लागि हामी सबैको प्रतिबद्धता´ भन्ने मुल नाराका साथ मनाइएको
२९ औं अन्तर्राष्ट्रिय अपाङ्ग दिवसको अवसरमा शुद्धोधन गाउँपालिका वडा न. ४ कार्यालयमा आयोजित स्वास्थ्य बिमा कार्यक्रममा बोल्दै गाउँपालिका प्रवक्ता एंव वडा अध्यक्ष राजेन्द्र कडेलले सो कुराको जानकारी दिनुभएको छ।कडेलले अपाङ्गहरुको हितमा निरन्तर रुपमा वडा लागिपरेको र सोही अनुरुप अपाङ्गहरुका लागि निशुल्क रुपमा स्वास्थ्य बिमा कार्यक्रम सञ्चालन गरेको बताउनुभयो।
वडाभित्र रहेका ३५ जना अपाङ्गहरुलाइ निशुल्क रुपमा स्वास्थ्य बिमा गरिदिने उहाले बताउनुभयो ।

नेत्रहिन युवा संघ नेपाल रुपन्देही अध्यक्ष टिकाराम
पौडेलले नेपालमा पहिलो पटक शुद्धोधन गाउँपालिका वडा न ४ ले अपाङ्गहरुको स्वास्थ्य बिमा गरेर निकै सराहनीय कार्य गरेको भन्दै धन्यवाद दिनुभयो ।
वडा सदस्य हेमन्त थापा,सञ्चारकर्मी कृष्ण पाण्डे लगायतले अपाङ्ग दिवसरको अवसरमा शुभकामना दिएका थिए ।
नेत्र हिन युवा सघ नेपाल रूपन्देहीका अध्यक्ष टिकाराम पौडेल, शुद्धोधन अपाङ्ग संघका अध्यक्ष विष्णु बहादुर थापा, शुद्धोधन गाउँपालिका वडा नम्बर ४ अपांग संघका अध्यक्ष देवी गैरे, वडा सदस्यहरू हेमन्त थापा, शिव कुमार चौधरी, पुजा दमाई लगाएतको आतिथ्यता रहेको थियो।

कार्यक्रम वडाअध्यक्ष एंव गाउँपालिका प्रवक्ता राजेन्द्र कडेलको अध्यक्षता, वडा सदस्य शिवकुमार चौधरीको स्वागत मन्तव्य एंव वडासचीव केशब पन्थको सञ्चालनमा सम्पन्न भएको थियो।