काठमाडौं :- नेपाली कांग्रेसका वरिष्ठ नेता रामचन्द्र पौडेललाई प्रहरीले पक्राउ गरेको ३ घण्टा पछि छुटेका छन् ।तनहुको एक कार्यक्रमको शिलशिलामा जिल्ला पुगेका उनलाई स्थानीय प्रशासनले निषेधित क्षेत्र तोडेको अभियोगमा जिल्ला प्रहरी कार्यालय तनहुँले नियन्त्रणमा लिएको थियो ।प्रमुख जिल्ला अधिकारी सागर आचार्यले पौडेलले निषेधाज्ञा तोडेकोले नियन्त्रणमा लिइएको जानकारी दिएका थिए।
असुरक्षा र निषेधाज्ञाको जानकारी गराउंदै पटक पटक कार्यक्रममा सहभागी नहुन अनुरोध गर्दा पनि बरिष्ठ नेता पौडेल सुरक्षा घेरा तोडेर अगाडी बढ्नु भएकाले नियन्त्रणमा लिईएको प्रजिअ पौडेलले बताए ।जिल्ला सुदरमुका नजिकै संघीय सरकारको बजेटमा बनेको एउटा पुल उदघाटनका बिषयमा विवाद हुंदा झडप हुने सम्भावनालाई मध्यनजर राख्दै स्थानीय प्रशासनले सो स्थानमा निषेधाज्ञा लगाएको थियो ।संघीय सरकारको भौतिक पूर्वाधार मन्त्रालयको लगानीमा सडक डिभिजन कार्यालय दमौलीले निर्माण गरेको उक्त पुलको पौडेलले उद्घाटन गर्ने तयारी गरेपछि त्यहाँ विरोध प्रदर्शन भएको थियो ।