तिलोत्तमा ११ मा शहरी स्वास्थ्य केन्द्र भवनको उद्घाटन

बुटवल,१४ मंसिर ।
तिलोत्तमामा शहरी स्वास्थ्य केन्द्र भवनको उद्घाटन गरिएको छ । तिलोत्तमा नगरपालिका वडा नं. ११ मद्रहानीमा निर्माण भएको शहरी स्वास्थ्य केन्द्र भवनको आज नगर प्रमुख बासुदेव घिमिरेले उद्घाटन गर्नुभयो ।

अब शहरी स्वास्थ्य केन्द्र आफ्नै भवनमा सञ्चालन हुनेछ । हरेक वडामा कम्तिमा एउटा सरकारी स्वास्थ्य संस्था आफ्नै भवनमा सञ्चालन गर्ने नीतिअनुरुप यो भवन निर्माण भएको हो । शहरी स्वास्थ्य केन्द्र वडा कार्यालय नजिकैं छ ।

उद्घाटन कार्यक्रममा नगर प्रमुख घिमिरेले सरकारी स्वास्थ्य संस्थाहरु सुदृढ बन्दै भएको बताउँदै उपलब्ध सेवाहरुको उपयोग गर्न सबैलाई आग्रह गर्नुभयो ।