नवलपरासी, १२ मंसिर ।
पश्चिम नवलपरासीको रामग्राम नगरपालिका वार्ड न०१२ पुरानो बाल कल्याण समितिको सभाहलमा बाल मैत्री स्थानीय शासन सम्बन्धित अभिमुखिकरण तथा अन्तरक्रिया कार्यक्रम सम्पन्न भएको छ ।
मन्जरी राष्ट्रिय मासिक पत्रिकाको आयोजनामा सम्पन्न भएको कार्यक्रममा मन्जरी राष्ट्रिय मासिक पत्रीकाका प्रतिनिधि ग्यानेश्वर सहानीको अध्यक्ष्ाता तथा रामग्राम नगरपालिकाका प्रमुख नरेन्द्र कुमार गुप्ताको प्रमुख अतिथिक्ता एवम् बाल अधिकार कर्मी रन्जीत शर्मा तथा उमेश बि०क०को सहजीकरण एवम् प्रत्येक पालिका बाट २/२ जना पुर्व बाल क्लब सदस्य तथा बाल क्लब प्रतिनिधि ३० जनाको सहभागितामा कार्यक्रम सम्पन्न भएको छ ।
जिल्लामा रहेको बाल मैत्री गतिविधिलाई उजागर तथा अवलम्बन, तथा जिल्ला बाल संजाल गठन गर्न दवाव तथा विभिन्न क्रियाकलाप गर्नका लागी अमरमणी गुप्ताको अध्यक्ष्ातामा बालमत्री स्थानीय शासन निगरानी समिति तथा मन्जरी बालमैत्री रास्ट्रीय पत्रीका प्रकाशन समिति समेत गठन गरिएको छ । समितिमा उपाध्यक्ष दिलमाया चौधरी , सन्दीप बि०क० र सचिवमा महेश यादव , सह-सचिवमा सुखदेव गुप्ता, सदस्यमा राजकुमार हरिजन, सिद्धान्त पठाक , लगायत १३ सदस्यीय समिति गठन गर्दै रामग्राम नगरपालिकालाई बाल मैत्री घोषणामा सहयोग गर्न प्रतिबद्धता समेत भएको छ ।
यस अघि नवलपुर जिल्लामा समेत मन्जरी राष्ट्रिय मासिक पत्रिकाको आयोजनामा समिती गठन गर्दै अभिमुखिकरण तथा अन्तरक्रिया कार्यक्रम सम्पन्न गरिएको थियो ।
नवलपुर जिल्लाबाट प्रकाशन हुँदै आएको मंजरी मासिक बालपत्रीका अब नेपालको सातै प्रदेशमा पुर्याउने लक्ष्य रहेको संपादक किरण भुर्तेलले जानकारी दिएका छन ।
रामग्राम नगरपालिका फाल्गुन मसान्तसम्म बाल मैत्री स्थानीय शासन नगरपालिका घोषणा भए पश्चिम् नवलपरासीको दोस्रो स्थानीय तह हुनेछ । यस अघि सुनवल नगरपालिका नेपाल कै पहिलो बाल मैत्री स्थानीय शाशन नगरपालिका घोषणा भैसकेको छ ।
