बुटवल, ०९ मंसिर ।
गुल्मीको धुर्कोट गाउँपालिकाले अपुष्ट, तथ्यहिन तथा भ्रामक समाचार सार्वजनिक गरेको भन्दै प्रेस वक्तव्य निकालेको छ । पछिल्लो समयमा विभिन्न संचार माध्यम, अनलाइन, पत्रपत्रिका लगायतमा सार्वजनिक समाचार र सामाजिक संजालमा भएको टिकाटिप्पणीबारे ध्यानाकर्षण भएको छ ।
धुर्कोटले आवश्यक सर्त पूरा गरेकालाई मात्र कोभिड अनुदान दिएको भन्दै स्पस्ट पारेको छ । कोरोना भाइरस का कारण बढेको प्रकोप र खाद्य संकट न्युनिकरण गर्न र रोजगारीको अवस्थालाई सिर्जना गर्दै कृषि उत्पादन र उत्पादकत्व दिन आर्थिक वृद्धि र विकासमा थप योगदान पुर्याउनका लागि बाझो जग्गा व्यवस्थापन कार्यविधि २०७७ अनुसार नै अनुदान दिइएको गाउँपालिकाले स्पष्ट पारेको छ । जसमा भाडामा जग्गा लिई खेती गरेका ७ जनालाई रु ४००० का दर, अन्नवाली गरेका ५३ जनालाई रु ४०००का दर र फलफुल खेति गरेका ४५ जनालाई रु ३००० का दरले रु २८ लाख ८९ हजार खर्च गरेको छ ।
कर्मचारी भर्ना प्रकृयालाई योग्यता प्रणालीमा आबद्ध गर्दै प्रचलित एेन,कानुन, कार्यविधि र मितिमा निर्णयसमेतका आधारमा सुचना प्रकाशन देखि छनौट र नियुक्ति सम्मका प्रकृयालाई वस्तुनिष्ट र पारदर्शी रुपमा रहेको गाउँपालिका उपाध्यक्ष शिव बहादुर खत्रीले जानकारी दिए ।
संचार जगतलाई उच्च सम्मान र प्राथमिकतामा राख्दै आएको धुर्कोटले आगामी दिनहरुमा पनि प्राथमिकता दिने अंगिकार गरेको निमित्त प्रमुख प्रशासकिय अधिकृत गिरिराज अर्यालले वक्तव्य मार्फत जानकारी दिएका छन ।
