गुल्मी ।
आधुनिक युग इन्टरनेट र टेक्नोलोजीको युग हो भनेर राम्रोसँग बुझेका व्यक्ति हुन वसन्त बस्नेत । उनी गुल्मी जिल्लाको दुर्गम गाउँ अग्लुङ्गमा जन्मेका हुन । सानै देखि समाज र गाउँको लागि केहि गर्नुपर्छ भन्ने भावना राख्ने बस्नेतमा थियो । उनि टेक्निकल रुपमा पनि त्यतिकै अग्रसर नै थिए । आफुले केहि न केही गरि समाजमा प्रत्यक्ष तथा अप्रत्यक्ष रुपमा सहयोग गर्नुपर्छ भन्ने भावना थियो । यही भावनाकै कारण अग्लुङ्ग इसेवा प्वाइन्ट संचालन गरि सोही माध्यमबाट मदानेको काखमा रहेको बञ्चरे डाडामा इन्टरनेटको टावर राखिदिए । जसले गर्दा दुर्गम गाउमा पनि इन्टरनेट(वाईफाई)को पहुँच पुगेको हो ।
गत बर्ष सुविसु कम्पनीको वाईफाई टावर गाउँमाथिको डाडामा टावर राखिसकेको पछि समग्र मदाने गाउँपालिका मै सहज भएको उनले बताएका छन । अर्जुनडाडाबाट फालिएको वाईफाई फ्रिक्वएन्सि लाई सोही टावरबाट क्याप्चर गरिएको छ । यसरी व्यक्तिगत रुपमा लाखौं रकम खर्चेर गाउँका स्थानियहरुलाई सहज होस भनी गरिएको यो प्रयास सराहनिय छ ।
यद्यपि वाईफाई संचालन गरिसकेपछि पनि उनले थुप्रै चुनौति खेप्नुपर्यो । टावरलाई अज्ञात समुहबाट तोडफोड गर्ने दुस्साहस नगरिएको होइन । जसबाट उनले थप लगानी गरि पुन मर्मत गरे र पुन संचालन गरेका छन । यस टावरबाट गाउँका एक दर्जन भन्दा बढी वाईफाई जडान भएको उनले बताए । अहिले मदाने गाउपालिका वडा न १ अग्लुङ्गमा र वडा न ४ म्यालपोखरीमा पनि यहि वाईफाई जडान गरि स्थानिय प्रशासनका टेक्निकल कामहरु भैरहेका छन । अन्य वडाहरुमा पनि जडान हुने क्रममा रहेको बस्नेतले बताए ।
गत कार्तिकमा बाझकटेरीको सोइरेमा रहेको नेपाल टेलिकमको टावरमा फोरजी सेवा संचालन गरिएको थियो । जसबाट पनि गाउँमा इन्टरनेटको पहुँच बढेको हो ।
