बुटवल , कार्तिक २३ । कोरोनाभाइरस (कोभिड–१९) को कारण लामो समय लकडाउनको भएको हुनाले रक्तबैंकमा रगतको अभाव भई बिरामीहरुलाई समस्या परेको हुँदा लियो क्लब मणिग्रामले रक्तदान कार्यक्रम सम्पन्न गरेको छ। सामाजिक उत्तरदायित्व वहन गर्दै नेपाल रेडक्रससंगको सहकार्यमा लियो क्लब मणिग्रामले ८५ पोइन्ट रगत संकलन गर्न सफल भएको हो ।
क्लबका अध्यक्ष प्रजेश घिमिरेले क्लबले रक्तदान लगायतका सामाजिक कार्यहरु गर्दै आइरेहेको र बढ्दो कोरोना सङ्क्रमणका कारण देशभर रगत अभाव भइरहेको बेला आज रक्तदान कार्यक्रम आयोजना गरिएको बताए।
लकडाउनको अवस्था र कोरोना सक्रमणको जोखिमलाई मध्यनजर गर्दै सामाजिक दुरी कायम गर्दै रक्तदान गरिएको हो। कार्यक्रमका विशिष्ट अतिथि नेपाल स्वयंसेवी रक्तदाता समाजका कृष्ण चौहानले सामाजिक दुरीको सीमा क्षेत्र भित्र रही रक्तदान जस्तो पुण्य कार्य गरेकोमा प्रसन्नता व्यक्त गरे। रगत दानभन्दा ठुलो अरू दान हुन नसक्ने भन्दै उनले यस्ता रचनात्मक कार्यहरू सबै ठाउँमा गरिनु आवश्यक रहेको औँल्याए। कोरोनाको सङ्क्रमणबाट विश्व नै आतङ्कित भइरहेको अवस्थामा आफ्नो अमूल्य रगत दान गर्ने स्वयंसेवी रक्तदाता लगायत अन्य सहयोगीलाई उनले धन्यवाद दिए।
कार्यक्रमका प्रमुख अतिथि Leo District Council 325 B2, Nepal IPDP लियो लायन सरोज कंडेलले लियो क्लब मणिग्रामले संचालन गरेको उक्त कार्यक्रममा आफ्नो र डिष्ट्रिक्ट काउन्सिलको तर्फ बाट सक्दो सहयोग रहने बताउनु भयो।
बुटवल स्थित नेपाल रेड्क्रोस सोसाइटीको भवनमा भएको उक्त कार्यक्रम वर्ष २०-२१का अध्यक्ष लियो प्रजेश घिमिरेको अध्यक्षता र लियो अपार शर्मा रिजालको संयोजकत्व रहेको कार्यक्रम पाठक सिमेन्ट र नेपाल कफी कम्पनीले प्रायोजक गरेका थिए ।
