गुल्मी, ०९ कार्तिक।
गुल्मीको मदाने गाउँपालिकामा थप एउटा सहकारी संस्था स्थापना भएको छ । गाउँपालिकाको वडा न १ मा अग्लुङ्ग बहुउद्देश्यीय सहकारी संस्था गठन गरिएको हो ।
अग्लुङ्गको टोल न ९ मा रहका ५ वटा कृषि समुहहरुको सकृयतामा २५ सदस्यीय समितिको सहकारी संस्थाको स्थापना गरिएको बताइएको छ । २५ सदस्यीय मुल समिति अन्तर्गत ४ वटा उपसमिति बनाइएको छ । संस्थाको नवगठित समिति अन्तर्गत अध्यक्षमा कर्णबहादुर विष्ट, उपाध्यक्षमा गोविन्द बोहोरा, सचिवमा कमला बस्नेत चन्द, सहसचिवमा जालपा घर्ती, कोषाध्यक्षमा शालिक राउत सँगै अन्य २० जना सदस्यमा चयन गरिएको छ ।
देउराली आलु बीउ उत्पादन कृषि समूह, किवि उत्पादन कृषि समूह, लालिगुराँस हिउदे आलु उत्पादन कृषि समूह, हिउदे आलु उत्पादन कृषि समूह र गुराँसे बीउ उत्पादन कृषि समुहको सकृयतामा नयाँ बहुउद्देश्यीय सहकारी स्थापना गरिएको नवनिर्वाचित सचिव कमला बस्नेतले जानकारी दिनुभयो ।
स्थानिय स्तरमा रहेका विभिन्न कृषि समुहलाई सहजिकरण गर्दै कृषकहरुलाई थप सहयोग पुर्याउने उदेश्यका साथ सहकारी स्थापना गरिएको नवनिर्वाचित अध्यक्ष कर्णबहादुर विष्टले बताउनुभयो । सहकारीमा ५ वटा कृषि समुहका करिव २०० कृषकहरु आवद्ध भएको अध्यक्ष बिष्टले जानकारी दिनुभयो ।
