गुल्मी,०७ कार्तिक।
गुल्मीको मदाने गाउँपालिकामा सामाजिक सुरक्षा भत्ता बैङ्किङ्ग प्रणालीद्वारा वितरण गर्न सुरु गरिएको छ । जेष्ठ नागरिक तथा अपाङ्ग व्यक्तिहरुले पाउने सामाजिक सुरक्षा भत्ता बैङ्किङ्ग प्रणाली द्वारा वितरण गरिएको छ ।
प्रत्येक तिन चौमासिकमा करिब ७ करोड रकम सामाजिक सुरक्षा भत्तामा वितरण गर्दै आएको गाउँपालिकाले पछिल्लो चौमासिकका रुपमा बैङ्किङ्ग प्रणालीद्वारा वितरण गरिएको सुचना अधिकारी ऋषि पोखरेलले जानकारी दिनुभयो । गाउपालिकाका ७ वटा वडा मध्ये ६ वटा वडामा कृषि विकास बैंक पुर्कोटदह शाखाबाट वितरण गरिएको छ । अग्लुङ्ग, बाझकटेरी, म्यालपोखरी, मलागिरि, पुर्कोटदह र भनभनेका वडा कार्यालयहरुमा नै बैङ्कका कर्मचारीहरु पुगी वृद्धवृद्धाहरुका हातहातमा भत्ता दिईएको कृषि विकास बैङ्कले जनाएको छ ।
वडा न ५ सिर्सेनिमा भने साइन रेसुङ्गा डेभलपमेन्ट बैङ्क सिमलटारी शाखाबाट वितरण गरिएको बताइएको छ । दशैको मुखमा वृद्धवृद्धाले सामाजिक सुरक्षा भत्ता पाएपछि खुसि भएका छन ।
