अर्घाखाँची, ३ कार्तिक ।
अर्घाखाँची जिल्लाको मालारानी गाउँपालिकामा विद्धुतमा लापरबाही बढेको छ । विद्धुत मर्मतसम्भारमा सम्बन्धित पक्षले ध्यान दिन नसक्दा जनता जोखिममा परेको स्थानियहरुको गुनासो छ ।
मालारानी गाउपालिका वडा न ३ खनदहका विभिन्न स्थानमा विद्धुतको जोखिम बढेको हो । खनदह खोरधारा लगायतका विभिन्न स्थानमा बिजुलीका पोलहरू पुराना अनि जिर्ण बनेका छन, नाङ्गा तारहरुले रुखबिरुवाहरुले छोएको अवस्था छ जसका कारण स्थानिय मानिसहरुमा सहजै करेन्ट लागि अप्रिय घटना हुन सक्ने सम्भावना देखिन्छ । यस्तो अवस्था हुदाहुदै पनि यहाका विद्धुत कर्मचारीहरुले कुनै पहल गरेका छैनन । स्थानिय उपभोक्ताहरुको घरघरमा मिटर रिडर गर्ने पैसा लिनेबाहेक कुनै मर्मतसम्भारमा ध्यान पुगेको देखिएको छैन ।
ग्रामिण यस ठाउँमा विधुत पुगिरहदा सम्बन्धित निकायले चाल्नुपर्ने कदम त्यति प्रभावकारी बन्न सकिरहेको छैन । साथै स्थानिय जनप्रतिनिधिहरु लाई कुनै वास्तै छैन । विधुतको सेवा सुविधा उपभोग गरिरहेका जनताहरु धेरै खुसि छन यद्यपि यी कारणहरुले भने जनता त्यति प्रभावकारी हुन नसकेको बताउछन् । छिनछिनमा लाइन गइरहने समस्याले जनता आजित छन ।
बिधुत निर्माणका लागि ठेगेदार तथा कर्मचारीहरुको लापरबाही अत्यधिक थियो । व्यवस्थित तरिकाले काम नगर्दा यस्तो अवस्था सिर्जना भएको हो । तारहरु खुकुला र रुखबिरुवा छुदा अनि पोलहरु जिर्ण बनी तार सर्ट भएर करेन्ट लाग्ने सम्भावना देखिन्छ, जसले गर्दा जनताको ज्यान जोखिममा छ। यसलाई व्यवस्थित गर्न अत्यावश्यक रहेको छ ।
