मदाने,२८ -असोज ।
मदाने गाउँपालिका अग्लुङ्गमा स्थापित द सनराईज युवा क्लबले आफ्नो छैठौं वार्षिकोत्सबका सबै कार्यक्रम स्थगित गरेको छ ।विश्वव्यापी फैलिएको कोरोना कहरका र देश यस्तो विषम परिस्थितिका कारण शोकमा रहेका कारण छैठौं वार्षिकोत्सबको अवसर पारि आयोजना गरिने खेलकुद तथा साँस्कृतिक कार्यक्रमका सबै गतिविधि नगरिने प्रेस सुचना निकाली जानकारी दिएको छ ।
विकासका लागि पृथक अभियान,द सनराईजको पहिचान भन्ने मुल उदेश्यले स्थापना भएको द सनराईज युवा क्लक ६ बर्ष पूरा भै ७ अौ वर्षमा प्रवेश गरेको अध्यक्ष महेन्द्र जिसिले जानकारी दिनुभयो । “२०७१ सालमा स्थापना भै निरन्तर समाजसेवा र विकासका कार्यमा अग्रसर छौँ,आफ्ना काम कर्तव्य तथा अन्य गतिविधि लगायत खेलकुद र सास्कृतिक क्षेत्रलाई प्राथमिकतामा राखेर काम गरिरहेका छौँ ” अध्यक्ष जिसिको भनाई छ ।
स्मरण रहोस, यस क्लबले प्रत्येक बर्ष वार्षिकोत्सब कार्यक्रम गरि भलिबल प्रतियोगिता,नृत्य विधा,गायन विधा लगायत अन्य खेलकुद तथा साँस्कृतिक कार्यक्रम गर्दै आएको छ । यस सँगै प्रत्येक बर्ष विद्यार्थीलाई छात्रावृति प्रदान,वृद्ध सम्मान जस्ता कार्यक्रम नियमित रुपमा गर्दै आएको बताइएको छ ।
