मदाने,२६ असोज।
गुल्मी जिल्लाका विभिन्न स्थानमा रहेका नेपाल टेलिकमका टावरहरुमा फोरजि सुचारु भएको छ । जिल्लाको मदाने गाउपालिकामा दुई टावरमा फोरजी संचालन गरिएको नेपाल टेलिकमले जनाएको छ । यी दुई मध्ये पुर्कोटदहमा केही दिन अघि संचालनमा आयो भने सोइरेमा रहेको टावरमा हिजो मात्र सुचारु गरिएसँगै स्थानियमा रौनक छाएको छ । पहिले नै इन्टरनेटको पहुँचमा रहेको पुर्कोटदहमा भन्दा सोइरेडाडा आसपासमा रहेका दुर्गम गाउहरुमा भने निकै रौनक छायो मात्र सिमित संख्याका स्थानियहरुमा । अन्य स्थानियहरुका लागि कागलाई बेल पाक्यो हर्ष न विस्मात जस्तै भएको स्थानियहरुले प्रतिक्रिया दिएका छन ।
सोइरे आसपासका अग्लुङ्ग, बाझकटेरी,सिर्सेनि सँगै प्युठानका केही क्षेत्रहरुमा फोरजि इन्टरनेट सेवा उत्कृष्ट काम गरिरहेको छ तर सिमित मोबाइलमा मात्र । फोरजि को क्षमता कम र मोबाइलको बढी भएका कारण यस्तो अवस्था सिर्जना भएको बताइएको छ । यो समस्या समाधानका लागि केही समय कुर्नु पर्ने नेपाल टेलिकमले जनाएको छ । गुल्मीका बाकि सबै स्थानमा अन एयर गर्ने काम निरन्तर जारि रहेकाले सबैमा यस्तो अवस्था आउन सक्छ तर यसको समाधान पनि छिट्टै गर्ने बताइएको छ ।
