काठमाण्डाैं, भदाै १८ । निषेधाज्ञाकै समयमा रातो मच्छिन्द्रनाथको रथ तान्न सयौंको संख्यामा स्थानीय भेला भएपछि पुल्चोक तनाव’ग्रस्त बनेको छ । प्रहरी र स्थानीयबीच रथयात्राका विषयमा विवाद हुँदा स्थिति तनावग्रस्त बनेको हो ।भीड हटा उन प्रहरीले पानीको फोहरा प्रहार गरेको छ । यसअघि स्थानीयले प्रहरीमाथि ढुङ्गामुढा गरेका थिए । आक्रोशित भीडले प्रहरीको गाडीमाथि पनि ढुंगा हानेका छन् ।
तनाव हुँदा केही प्रहरी घाइते भएका छन् । रथ तान्न भेला भएका स्थानीयलाई प्रहरीले लखेटेको छ । सडकको बीचमा ठूलो संख्यामा उपस्थित प्रहरीले सडकबाट भीड पन्छाएर रथलाई घेरेर बसेका छन् ।
लामो समय’देखि थाती रहँदै आएको रातो मच्छिन्द्रनाथको रथलाई निषेधाज्ञाकै बीच आज तानिएको हो । मलमास अगाडिनै मच्छिन्द्रनाथलाई बुंगमती लानुपर्ने प्रचलनका कारण स्थानीय सयौँको संख्यामा पुल्चोकमा जम्मा भएका थिए ।
त्यस्तै जावलाखेलमा ड्युटीमा रहेका ट्राफिक प्रहरीमाथि कुटपिट भएको छ । रातो मछिन्द्रनाथको रथ तान्न नदिएपछि उनीमाथि स्थानीयले निर्घात कुटपिट गरेका हुन् । कोरोना संक्रमण जोखिमले धेरै भिडभाड नगर्न भनिए पनि स्थानीयले त्यसको उल्लंघन गरेपछि प्रहरीले रोक्न खोजेको थियो ।
रथ तान्न रोक्न खोजेपछि प्रहरीमाथि स्थानी’यले आ’क्रमण गरेका थिए, योहो टिभिले पोस्ट गरेको भिडियोमा स्थानीयले एक ट्राफिक प्रहरीलाई निर्घात रुपमा कुटपिट गरेको देखिन्छ । स्थानियको आक्रमण पछि उनी भाग्छन् तर त्यहाँ उपस्थित ले कुदाई कुदाइ कुटपिट गरेका छन् ।
कुटपिटको बिरोध गर्दै चर्चित पत्रकार रबि लामिछानेले यस्तो पोस्ट गरेका छन् । उनले लेखेका छन्:
धर्म गर्न घरबाट निस्केको मान्छे पाप गरेर घर फर्कियो!यस्तो महामारीमा बिना कुनै अतिरिक्त सुबिधा, जनताको सेवामा खटिएको राष्ट्रसेवक प्रहरीमाथी कसरी हात लात उठ्छ होला? छि…. कति सम्म गिरेको होला मान्छे। प्रहरीले कतै यस्तै गरेको तर भिडियोमा नदेखिएको भएपनि यस्ता कुकर्मको बराबर भत्सर्ना गर्दछु।
भिडियो: सामाजिक संजाल