ॐ लेखि आजको भाग्यफल हेर्नुहाेस- मिति : २०७७ साल भदौ १८ गते बिहीवार

वि.सं. २०७७ भदौ १८। बिहीवार। इ.स. २०२० सेप्टेम्बर ३। ने.सं. ११४० ञलगा। आश्विन कृष्णपक्ष। प्रतिपदा, १०:५१ उप्रान्त द्वितीया।

मेष – चु, चे, चो, ला, लि, लु, ले, लो, अ
मनमा हर्ष तथा उमंग आउनेछ, सेवा गर्ने भाव जाग्ला, साथिभाई इष्टमित्र तथा प्रीयजनको साथ र सहयोगले नयाँ कार्यमा थालनी होला शत्रुहरु टाढा होलान् , तर पेट तथा आखा सम्बन्धि रोग लाग्नसक्छ, सावधानी अपनाउनुहोला।

वृष – इ, उ, ए, ओ, बा, बि, बु, बे, बो
आर्थिक तथा ब्यवसायिक क्षेत्रमा सुधार होला, मनले इच्छाएका कुराहरु पूरा हुनेछन् , शत्रुमाथी बिजय पाइएला,तर अपरान्ह पछि छाती तथा घाटिमा समस्या आउनसक्छ, होसियार रहनु होला।

मिथुन – का, कि, कु, घ, ङ, छ, के, को, ह
भुमि तथा मातृपक्षबाट कष्ट होला, व्यर्थको तनाव तथा अपयशले मन खिन्न होला,रोकिएका कामकार्यमा झन रुकावट होला,तर बिदेश यात्राका लागि भने अवसर आउनसक्छ।

कर्कट – हि, हु, हे, हो, डा, डि, डु, डे, डो
अध्ययन अध्यापनमा रुचि बढ्ला, पशु तथा चौपायाबाट लाभ होला,सबैको सद्भाव र सहयोगले कामकार्यमा सफलता मिल्ला, तरपनी आर्थिक रूपमा आजको दिन कमजोर रहनेछ।

सिंह – मा, मि, मु, मे, मो, टा, टि, टु, टे
धार्मिक तथा आध्यात्मिक क्षेत्रमा प्रगति होला, तर कुनै नयाँ कार्य भने नगरेको राम्रो होला न्याय पक्ष तथा वैदेशिक मार्ग भने अधुरै रहला, तर विभिन्न समस्याको समाधान भने आफै गर्न सकिनेछ ।

कन्या – टो, प, पि, पु, ष, ण, ठ, पे, पो
रचनात्मक कामतिर मन जानेछ, विभिन्न नयाँ नयाँ ठाउँको भ्रमण हुने योग छ, पठनपाठनमा मन जानेछ, अधुरा काम बन्नाले मन प्रशन्न रहनेछ।

तुला – र, रि, रु, रे, रो, ता, ति, तु, ते
बिरोधि तत्वहरु सक्रिय रहलान,नयाँ स्थानको यात्रा नगर्दा राम्रो होला, अनावश्यक खर्चले मनमा अशान्ति होला, आहार बिहारमा बिशेष ध्यान दिनुहोला, पेटमा खराबी आउनसक्छ।

वृश्चिक – तो, ना, नि, नु, ने, नो, या, यि, यु
दण्ड तथा जरिवाना हुनसक्छ, नगरेको काममा अपयश हुनसक्छ, व्यर्थको भ्रमण होला, बिरोधि तत्वहरु सक्रिय रहलान, मन खिन्न हुनेछ, साझपख भने शुभ समाचार सुन्न पाइएला।

धनु – ये, यो, भ, भि, भु, ध, फा, ढ, भे
शुभ ग्रहको प्रभावले आजको दिन बन्धनमुक्त, शत्रुमाथि बिजय तथा निचबाट सहयोग प्राप्त होला। स्त्री, पुत्र तथा धन लाभ होला, आजको दिन शत्रुहरु कमजोर हुनेछन् ।

मकर – भो, ज, जि, खि, खु, खे, खो, गा, गि
आजको दिन लेख रचना तथा काव्य लेखनमा समय बित्नेछ, साहित्यिक कार्यमा लाभ होला, सज्जनको संगतले धनमान तथा यश प्राप्ति गराउला, आजको दिन पुत्र प्राप्तिको योग पनि रहेको छ ।

कुम्भ – गु, गे, गो, सा, सि, सु, से, सो, द
भाईबन्धुबाट विवाद गराउला, धननाश तथा शत्रु पक्षबाट कष्ट होला, घाउ तथा चोटपटकको भय रहनेछ, तर पनि अपरान्ह पछि भने धन प्राप्तिको योग रहेकोे छ ।

मीन – दि, दु, थ, झ, ञ, दे, दो, च, चि
आजको दिन अनेक प्रकारका लाभ हुनेछ,तनमनमा आरोग्यता आउनेछ, मान सम्मान तथा उन्नति गराउला तर निच तथा दुर्जनको सहयोगले कामकाज भने अधुरै रहला।