बुटवल स्थित कोरोना अस्पतालमा, तिलोत्तमा जानकीनगरकी ७० बर्षिया महिलाको मृत्यु

बुटवल, भदाै ११ । लुम्बिनी प्रादेशिक अस्पतालको कोरोना विशेष अस्पताल बुटवलमा उपचाररत अर्की एकजना संक्रमित महिलाको पनि मृत्यु भएको छ।

अस्पतालले जनाए अनुसार रुपन्देही तिलोत्तमा जानकीनगरकी ७० बर्षिया महिलाको कोरोना बिशेष अस्पतालमा उपचारका क्रममा मृत्यु भएको हो ।

साउन २६ मा संक्रमण पुष्टि भएकी उनको घरमा आइसोलेशनमै बसेर उपचार जारी थियो। घरमा उपचारका क्रममा स्वास्थ्यमा समस्या आएपछि थप उपचारका लागि साउन ३१ गते धागो कारखानास्थित कोरोना अस्पतालमा भर्ना गरिएको अस्पताले जनाएको छ । उनलाई ४ दिन अघिदेखि भेन्टिलेटरमा राखेर उपचार जारी रहेको थियो ।

यस संगै तिलोत्तमामा कोरोना संक्रमणबाट भएको यो पहिलो मृत्यु हाे ।