पाल्पा, भाद्र २ । तिनाउ गाउँपालिका वडा नं. ५ चौविस माईल स्थित कल्याणी आधारभूत विद्यालयमा पुन निर्माण प्राधिकरणबाट विनियोजीत ७२ लाख रुपैया लागतको चारकोठे भवन सिलान्यास गरीएको छ । गाउँपालिका अध्यक्ष ओम बहादुर घर्ती मगरले उक्त भवनको शिलान्यास गर्नु भएको हो ।
कोरोना भाइरस संक्रमणको कारण धेरै जनाभेला नगरी विद्यालय व्यवस्थापन समिति र मिस्त्रीहरु विच भवन शिलान्यास कार्यक्रम सम्पन्न गरीएको छ । शिलन्यास कार्यक्रममा प्रधानाध्यापक सुन्दर गाहा, विद्यालय व्यवस्थापन समिति अध्यक्ष नारायण श्रेष्ठ, वडा नं. ५ को वा अध्यक्ष दल बहादुर दर्लामी र जिल्ला शिक्षा समिति सदस्य धनेन्द्रराज समेतको उपस्थिति रहेको थियो । कल्याणी आधाभूत विद्यालय पहिला केरावारीमा कक्षा ५ सम्म संचालनमा रहेको र विद्यार्थी संख्या ११ जनामा झरेकोले मर्ज गर्ने कि अन्यन्त्र सार्ने भन्ने विषयमा छलफल् भएको हो ।
चौविस माईल सारेर नयाँ व्यवस्थापनको साथ संचालन गर्न सुरु गरेपछि हाल १६५ जना विद्यार्थी संख्या रहेको र कक्षा ८ सम्म संचालनमा रहेको छ । शिक्षक खरवन्दी जम्मा ३ जना मात्र भएको र निजी श्रोतबाट शिक्षक राखी संचालन गरीएको प.अ. सुन्दर गाहाले बताउनु भयो ।
कल्याणी आधारभूत विद्यालयमा भौतिक व्यवस्थापन राम्रो रहेको र शिक्षक दरबन्दी कम भएकातापनि कक्षा ५ र ८ को परिक्षाफल तिनाउभरीका विद्यालयमध्य उत्कृष्ट रहेकोमा गा.पा. अध्यक्ष ओम बहादुर घर्ती मगरले हार्दिक खुसि व्यक्त गर्नुभयो । तिनाउ गाउँ पालिका भित्र पूननिर्माण प्राधिकरणबाट गतवर्ष ८ वटा र यस वर्ष १० वटा विद्यालय भवनको योजना परेको समेत अध्यक्ष घर्ती मगरले वताउनु भयो ।
