भदौ ३देखि १० गते सम्म तिलोत्तमा नगर पूर्ण रूपमा लकडाउन

रूपन्देही, भदौ २ । समुदायस्तरमा कोरोना संक्रमण बढ्दै गए पछि रुपन्देहीको तिलोत्तमा नगरपालिकाले भदौं ३ गते साँझ ७ बजेदेखि भदौं १० गते साँझ ७ बजेसम्म पूर्णलकडाउन गर्ने जानकारी गराएको छ।

सुरक्षा निकाय, राजनीतिक दल, तिलोत्तमा उद्योग वाणिज्य संघ, चेम्बर अफ कमर्श, उद्योग–व्यापार संगठनका प्रतिनिधिहरुको समेत उपस्थितिमा भदौ २ गते बसेको संकट व्यवस्थापन केन्द्र (सिसीएमसी) को बैठकले एक हप्ता पूर्णलकडाउन गर्ने निर्णय गरेको नगरपालिकाका प्रवक्ता सुरेन्द्र श्रीले जानकारी दिनु भयो ।

यो अवधिमा दुग्ध डेरी डिपो बिहान ६ देखि ८ बजेसम्म बाहेक सबै प्रकारका पसल व्यवसाय, उद्योगधन्दा, कलकारखाना, निर्माण कार्य, बैंक, वित्तीय संस्था, सहकारी, सरकारी तथा गैरसरकारी संस्थाका कार्यालय, सम्पूर्ण सवारीसाधन तथा साइकल सञ्चालन समेत पूर्णतः बन्द गर्ने निर्णय गरेको छ ।