बुटवल, साउन २९ । बुटवल स्थित धागोकारखानामा बनाइएकाे कोरोना विशेष अस्पताल बुटवलमा उपचारका क्रममा मृत्यु भएका दुई जना मध्य कपिलवस्तुका एक जनाको पिसीआर परीक्षण नतिजा नेगेटिभ आएको छ ।
कपिलवस्तुको कृष्णनगर नगरपालिका-१२ बस्ने वर्ष २३ का प्रदीप तेलीको उपचारकै क्रममा कोरोना अस्पतालमा मृत्यु भएको थियो । उनमा कोरोना संक्रमण आशंका भएपछि स्वाब परीक्षण गरिएको थियो । जिल्ला स्वास्थ्य कार्यालय कपिलवस्तुले बुधवार राती १० बजे दिएको जानकारी अनुसार तेलीमा सङ्क्रमण नदेखिएको हो ।
तेलीसहित कपिलवस्तुका २ जनाको भेन्टिलेटरमा उपचार गर्दागर्दै बुधबार मृत्यु भएको थियो। कपिलवस्तु नगरपालिका जमुवारटोल ४२ वर्षीय कृष्ण कुमार गुप्तामा भने कोरोना सङ्क्रमण पुष्टि भएको थियो।
