फर्साटिकर, साउन २८ । अन्तर्राष्ट्रिय युवा दिवसको अवसरमा रुपन्देहीको शुद्धोधन २ मा रहेको युनाइटेड स्काइ क्लबले वृक्षारोपण गरेको छ।
विश्व अभियानमा युवाको सहभागिता ,रोजगारी प्रर्वधन र वातावरण संरक्षणमा युवाहरूको संलग्नता एक युवा एक बिरुवा अभियानका अन्तर्राष्ट्रिय युवा दिवसमा वडा न.२ गोपालपुरमा फर्साटिकर-तामनगर सडकखण्डको छेउकुनामा झन्डै २५० वोट बृक्षारोपण गरिएको हो।
वृक्षारोपण कार्यक्रममा बोल्दै शुद्धोधन वडा न.२अध्यक्ष बिस्नुप्रसाद बस्याल ,गाउँपालिका उपाध्यक्ष शान्तादेवी ज्ञवाली र गाउँपालिका अध्यक्ष किसुनचन्द चौधरीले युवा दिवसको अवसर पारी युवाहरुले गरेको काम प्रसंसनिय रहेको उल्लेख गर्दै बृक्षारोपण सरल काम भएपनि यसको संरक्षणमा सबैले ध्यान दिनुपर्ने बताउनुभयो ।
युवाहरुले वातावरण संरक्षणका लागि वृक्षरोपण गर्ने जमर्को गरेको र अब गाउँपालिकाले संरक्षणको जिम्मेवारी लिने बताउनुभयो।
क्लब सहसचिव सुरक्षा खड्काको स्वागत मन्तव्यबाट सुरु भएको कार्यक्रममा जिबिका सहकारी संस्था लिमिटेड फर्साटिकर अध्यक्ष दामोदर पङ्गेनी,वडा न.२ सदस्य कमल खड्काले मन्तव्य राख्नुभएको थियो।
कार्यक्रममा बोल्दै क्लब अध्यक्ष सरोज खनालले युवाहरुको सृजनशिलताले रुपन्देही जिल्लामा पहिलोपटक युवा दिवसको दिन वृक्षारोपण भएको बताउदै युवाहरुको हरेक सृजनशिल कामलाई सरोकारवालाले मध्यनजर गर्दै युवा सहभागीतालाई प्राथमिकता दिनुपर्ने बताउनुभयो ।उहाँले आगामी दिनमा पनि युवाहरुको मागलाइ उचित सम्बोधन स्थानिय सरकारले गर्नुपर्ने बताउनुभयो।
क्लबका अध्यक्ष एंव प्रदेश ५ युवा सञ्जालका सचीव सरोज खनालको अध्यक्षता,गाउँपालिका अध्यक्ष किसुनचन्द चौधरीको प्रमुख आतिथ्यता, गाउँपालिका उपाध्यक्ष शान्तादेवी ज्ञवाली,वडा न.२ अध्यक्ष बिस्नुप्रसाद बस्यालको विशिष्ट आतिथ्यता रहेको कार्यक्रमको सञ्चालन क्लब सचीव करुणा काफ्लेले गर्नुभएको थियो ।
